何文田 6/6/2026 12:30

最鍾意呢啲新鮮出爐麵包小店。今次試咗四款甜品，每一款都有驚喜！

花生糯米糍 $6﹕大大粒好吸引，外皮煙韌軟糯，咬落去口感彈滑，入面包住勁澎湃嘅花生碎，甜味適中。

古早味芝士蛋糕 $18﹕質感輕盈細膩，口感綿密如雲，芝士味都幾香濃，食落好順喉。

古早味肉鬆蛋糕 $20﹕鹹甜派甜品嘅代表，蛋糕鬆軟濕潤，配上表面鋪滿嘅香酥肉鬆，鹹香同甜香互相配合，估唔到咁好食。

朱古力心太軟 $12﹕外層蛋糕烤得剛好，輕微脆脆，切開即刻流出濃郁滑潤嘅朱古力漿，非常香甜，勁驚喜。