深業上城 11/10/2026 17:30
高湯黃魚雲吞賣相吸引,鮮甜濃郁嘅高湯入面浮沉住一粒粒飽滿圓潤嘅雲吞。薄薄嘅雲吞皮包裹住鮮嫩細緻嘅黃魚肉餡,啖啖都食到魚肉嘅鮮甜海味,湯底超級鮮甜,口感極之順滑,仲有好多蝦米仔、加上紫菜咸香,非常好食。極細線吸晒湯汁,正。
鮑魚滷肉拌飯相當矜貴,原隻鮑魚同惹味嘅滷肉飯結合。白飯沾滿香濃嘅滷汁,肥瘦相間嘅滷肉入口即化,再加上鮑魚嘅爽彈鮮美同流心糖心蛋,層次感極之豐富。
干撈包漿豆腐外皮炸至金黃酥脆,咬落去外脆內軟。入面嘅豆腐極之滑嫩多汁,豆香四溢,加上辣椒碎,辣度足。





0 Comments