深大南站 30/11/2025 12:00

點評免費試。

啫啫走地雞﹕鐵板一上枱熱辣辣，紅蔥頭、薑片同醬汁爆香嘅氣味即刻撲鼻而來。走地雞肉質極之紮實彈牙，連皮食更加係充滿天然油香。雞塊邊緣帶點微焦，入面依然嫩滑多汁。雞肉索晒秘製醬汁嘅精華，惹味得嚟又唔會蓋過雞肉本身嘅鮮甜，用嚟送飯真係一流。

高堂菜圃煎蛋﹕呢碟煎蛋煎到金黃色，外層邊緣微微焦脆，入面就保持住厚實綿滑嘅口感。高堂菜脯獨有嘅鹹甜爽脆，同濃郁嘅蛋香好夾。菜脯粒粒分明，咬落去索索聲，令到原本簡單嘅煎蛋變得層次分明，完全帶出地道嘅潮汕家鄉風味。

潮汕時令蔬都幾新鮮，仲可以白飯任裝，抵食。