九龍城 11/1/2026 18:00

天寒地凍來火鍋，有得食有得玩，帶小朋友就最岩。今次揀左「番茄薯仔鮮牛鍋」，大大件番茄、薯仔，仲有粒粒鮮牛肉，味道香濃，酸酸甜甜，夠晒開胃。

冰震鮑魚都係冰爽彈牙好鮮甜，今次嘅池魚刺身非常新鮮，味道甜甜，魚油味香。霜鮮肥牛油花非常靚，輕輕煮十秒，入口嫰滑到不得了。
火鍋料有招牌水餃皇，超飽滿勁大隻，皮薄餡靚，入面係原隻大蝦，非常爽口彈牙，仲有配料，充滿鮮味。手打鮮肥牛丸更加係必食推介，非常彈牙多汁，牛味極濃，而家肉汁豐富。雲吞併韭菜餃就岩晒小朋友，細細粒但餡料豐富，幾香甜。蝦滑併墨魚滑非常新鮮，煮熟左係非常爽口彈牙。

最後要讚下個紫菜響鈴，平時食響鈴多數係齋腐皮，呢度加埋紫菜，淥三秒即食，外層吸滿番茄牛湯嘅精華，內層紫菜帶嚟淡淡嘅海洋鮮味，酥脆得嚟又有層次，真係邪惡又好食！