深圳高新園 29/10/2025 18:00

青蒜回鍋肉﹕五花腩片肥瘦適中，炒到邊位有微微焦香同香脆感，肉質嫩滑。青蒜清香又解膩，配埋豆豉同醬料嘅咸香，非常惹味。成碟菜都充滿鍋氣，味道濃郁又唔會過咸，係一碟好下飯嘅家常美味。

擂椒皮蛋茄子﹕有驚喜嘅一味涼菜，茄子蓉軟糯，配埋煙韌嘅皮蛋粒，口感細緻又有層次。搗爛之後，辣椒既鮮辣同清香完全發揮出嚟，辣勁夠晒，各種食材味道完全融合，真係令人食指大動。

豬油渣炒菜心﹕翠綠嘅菜心新鮮爽口，本身清甜同有水份。豬油渣炸到金黃酥脆，帶嚟濃郁嘅油香，蒜蓉香，鑊氣十足，味道啱啱好，油而不膩。

招牌口水雞﹕雞肉滑嫩多汁，雞皮爽彈，質素一流，醬汁絕對係靈魂所在，麻、辣、鮮、香、甜、酸齊備，層次豐富又平衡得好好。紅油香氣撲鼻，花椒嘅麻味啱啱好。

呢度嘅菜式風味正宗，整體用餐體驗極佳，無論係菜品味道定係服務都好出色，味道地道。