旺角 28/2/2026 14:00

鰻魚拼牛肉飯 $62

飯面鋪滿油潤亮澤嘅蒲燒鰻魚，陣陣醬油香氣，魚油甘香，甜鹹適中嘅蒲燒醬汁，撈飯超正。牛肉片切得夠薄，口感軟腍入味，而且肉汁豐富，充滿牛脂香氣。滿滿日式醬油同洋蔥香甜，超滿足。

肥牛豚骨鍋 $60

呢度嘅湯底夠晒濃郁，味道香甜。主角牛肉份量唔少，牛肉切得薄薄哋，肥瘦分佈平均。將牛肉放落滾湯度輕輕拖兩下，肉質食落非常軟腍嫩滑。火鍋嘅配料都好豐富，有大大件蟹柳、金針菇、鮮甜嘅蔬菜、嫩滑豆腐。蔬菜索滿晒湯底嘅精華，惹味到極，最鍾意超甜粟米，爆多汁，淨係食配料都已經好滿足。
絕對係性價比極高嘅之選，價格極之親民。