旺角 19/7/2025 14:00
而家逢星期六都係旺角上興趣班，中午搵飯食最好來牛丼家，地點方便，又易搵位。
鰻魚拉牛肉飯 $82﹕ 賣相不錯，鰻魚都大大片，醬汁油亮，味道濃香，外皮經有炭烤焦香味，鰻魚夠厚身，啖啖肉，魚骨微細可以食埋，還好無乜腥味。肥牛片薄薄，醬汁香甜，津蔥煮到腍晒夠晒甜，白飯鬆軟，撈埋醬汁食，不錯。加二十蚊升級套餐，有埋炸雞球同飲品，雞球炸粉薄薄，雞肉幾滑又多汁，啖啖肉。飲品揀左白桃汁，清甜濃郁，夠解渴。
芝士雙重魔王堡配蜜桃茶 $58﹕上次食過魔王漢堡扒不錯，今次兩塊打孖來升級做成漢堡包，非常吸引。兩大塊漢堡扒加上芝士堆疊，賣相不錯。麵包都幾鬆軟牛油味香，兩塊牛魔王有煙烤香氣，厚實份量十足，肉質相當鬆軟紮實，牛肉味勁香而且肉汁豐富。芝士半融化狀態，濃郁鹹香。醬汁係千島醬酸酸甜甜，岩岩好可以解油膩感。套餐包括飲品，白桃茶除左白桃果味外，仲有啖啖茶香，清爽。
旺角 9/2/2025 14:00
有新產品啊，而家連火鍋都有得食！
牛魔王飯+炸雞+飲品 $62
漢堡扒幾有肉汁，牛味幾香。最緊要係佢嘅柚子味醬汁非常好味，味道夠香濃，撈飯一流。炸雞啖啖肉唔油膩。
特製牛肉壽喜燒鍋 $60
壽喜燒鍋非常清甜，肥牛輕輕煮幾秒都非常嫩滑，油脂豐富。最緊要係嗰芝麻醬勁香濃，沾牛肉一流。蟹柳好香甜。仲有好多蔬菜、豆腐、金菇，索壽喜燒汁，非常好味，用嚟送飯一流。套餐包飲品，白土汁，滿滿白桃味，少甜，夠清涼。
當家牛丼 +魚手指+飲品 $39
牛肉飯只需要$29已經平，大大碗牛肉，材料豐富，加$15可以升級套餐，有吉列魚手指，學生仲可以減$5 ，咁豐富嘅一個餐$40有找超級抵食。
旺角 4/8/2024 17:30
齊柏林新開牛丼飯餐廳。
薑蔥牛魔王飯+公魚仔+飲品 $67 原來係漢堡扒，幾有肉汁，牛味幾香。
鹽醬汁豚肉飯+炸雞+飲品 $58 豚肉非常入味，份量好多，大大碗夠飽。炸雞有肉汁，味道不錯，飲品勝在大大杯。
落旺角市中心，坐2樓非常闊落，冷氣都好夠，喺今日嘅天氣上去抖涼食個下午茶也不錯。
0 Comments