黃埔 27/9/2025 14:00

沙茶鮮牛肉刀削湯麵 $56﹕最特色係濃郁嘅沙茶湯底，味道夠晒濃郁，甜中帶鹹帶輕微辣味。牛肉片切得厚薄適中，口感嫩滑，沾滿茶醬，香氣四溢。刀削麵煙韌有嚼勁，厚度均勻，充滿彈性。湯底係呢碗麵嘅靈魂，經過長時間熬煮囓牛骨湯，牛味夠香但又唔覺油膩，好清爽。

牛筋腩刀削湯麵 $56﹕另一款揀左最經典嘅牛筋腩麵，份量超多，最鍾意牛筋非常軟糯嘅，膠質豐富。牛腩亦都好腍滑，牛味濃郁。

一碗麵加$12有一枝水果冷泡茶﹕青蘋果冷泡茶酸酸甜甜，茶底幾甘香，夠解渴。另一款白桃冷泡茶仲正，白桃味香，酸甜適中。

炸邪惡滷豬大腸 $38﹕小食都有好多款，見到好邪惡嘅炸大腸好吸引，出面比較少見。大腸炸得香脆，脂肪適中，仲有膻味但唔腥，加左少少椒鹽，惹味。

烤地瓜球 $26﹕六大粒圓碌碌，炸得脆卜卜，中間原來係奶黃餡，微甜，不錯。