黃埔 22/3/2026 12:00

以往都幾鍾意呢間牛骨湯麵，原來出左套餐，一款麵+小食+飲品，非常抵食!

牛筋牛腩肥牛手工麵 $78﹕餸料勁多，牛筋炆到極之軟腍入味，入口即化，充滿骨膠原。牛腩大大件，啖啖肉，肥牛肥瘦適中，煮得入味。最抵讚係佢哋個牛骨湯底，清澈，入口醇厚鮮甜，飲完都唔會覺得口渴。手工麵煙韌彈牙，又掛湯。
牛舌、炸雞扒手工麵 $72﹕份量十足，厚切

牛舌軟嫩得嚟又帶點爽脆，即炸嘅雞扒炸到金黃酥脆，肉質嫩滑多汁。

小食揀左A5和牛慕絲甜品，賣相超得意，神級還原，紅白相間嘅雪花紋理極之逼真，望落完全係一塊頂級嘅生和牛，打卡一流。原來係士多啤梨慕絲，質地輕盈，入口即化，味道都相當濃郁，甜度啱啱好。

粟米豬肉小雲吞 $48，細細粒，皮薄料多，粟米超甜，小朋友最鍾意。