銅鑼灣 21/8/2026 16:00

同一同時段第二單外賣就係新開嘅甜西施研究所，去到門口已經聞到勁香嘅芒果味。門口有好多甜品糖水嘅模型，賣相非常吸引。見到職員不停加料，材料多到爆杯，真係勁吸引，賣相同模型100%，勁靚。

黑糖厚奶芋圓燒 $42﹕呢杯黑糖厚奶芋圓燒配料極之豐富，底層鋪滿滑溜清涼嘅仙草，搭配軟糯彈牙嘅芋圓、小丸子同Q彈黑糖珍珠。椰奶味道非常香濃，口感幼滑，融合黑糖嘅焦香甜味，甜度適中且層次分明，係飽足感滿滿嘅邪惡之選。

台式四重芋圓燒 $43﹕經典台式風味嘅集大成者，仙草嫩滑爽口，三色芋圓、煙韌彈牙，紅豆綿密香甜，芋泥軟糯，味道香濃，最後淋上特調椰奶，啖啖都食到食材嘅原汁原味，非常豐富飽足，一次過滿足晒n個願望。

多芒小丸子 $40﹕呢款多芒小丸子賣相金黃誘人，散發住濃郁嘅新鮮芒果香氣。底層係香甜濃稠嘅芒果雪葩與果茸，面頭鋪滿鮮甜多汁嘅厚切芒果果肉，再配上粒粒煙韌彈牙嘅白玉小丸子。一啖食落去，冰涼清爽，酸甜平衡得剛剛好，芒果控絕對會一試愛上。

厚芋泥山野桃膠小丸子 $38﹕底層鋪滿厚實綿密、帶有顆粒感嘅手作紫薯芋泥，加入咗晶瑩剔透、口感如果凍般爽滑嘅山野桃膠，以及軟糯嘅小丸子。桃膠滋潤養顏，滑溜溜，芋泥香濃不膩，口感溫潤順滑又健康。

呢個價錢呢個份量，絕對值得再試。