大埔昌運中心 18/4/2026 17:00

超鍾意呢間大埔外賣糖水，價錢唔貴，勁足料，有驚喜。街坊小店值得支持。

芒果西米桃膠芋圓 $38:芒果肉俾得毫不吝嗇，大大粒又極之鮮甜多汁，西米晶瑩剔透，桃膠滑溜溜，三色手工芋圓煙韌彈牙，芋頭、地瓜香味濃郁。椰奶底香濃，甜度啱啱好，清爽解膩，超正!

綜合芋圓燒仙草 $42:碗底係滑溜溜嘅燒仙草，有淡淡嘅草本甘香，透心涼。配料超豐富，除咗有三色芋圓之外，仲有綿密嘅紅豆同微甜嘅珍珠。紅豆煮得夠腍又起沙，勁足料!

煎餃雙併 $40:一盒有齊粟米煎餃同韭菜煎餃，賣相飽滿，餃子皮炸到酥脆，餡料都幾豐富，鮮甜嘅粟米加豬肉。韭菜香氣濃郁，仲有肉汁，完全唔會覺得乾。

台式椒鹽甜不辣 $20: 煙韌鹹香：甜不辣條外層炸得微脆，入面煙韌彈牙，魚漿有淡淡鮮甜味，再撒滿台式椒鹽粉，鹹香微辛好惹味。