旺角朗豪坊 9/8/2025 13:30

香港有綠茶餐廳！深圳食過幾次大愛品牌！裝修雅緻，以綠色竹林為主調，散發大自然舒心氛圍。聯乘米芝蓮星級名廚制定夏季限定菜單，仲係香港限定，款款都好吸引。

粉絲裹蝦 $108﹕臨桌現煮，睇住大蝦慢慢變熟，超吸引。蝦大大隻，爽滑彈牙，鮮甜多汁，好新鮮。蒜蓉作為呢道菜嘅靈魂配料，真係蒜香滿瀉，激起人的食欲。粉絲口感柔軟有韌性，吸收左蝦汁、蒜香和醬汁精華，超正！

麵餅醬香五花肉 $108﹕視覺效果一流，麵餅一卷卷層疊排列。麵餅外層煎得微微酥脆，中間煙煙韌韌，帶小麥自然香氣。麵餅包住炸香左嘅五花肉，有肥肉有瘦肉，肉質滑嫩，脂肪油香。配上清爽嘅蔥絲同青瓜，特製醬汁濃郁香甜，醬汁仲滲入左麵餅。一啖咬晒，所有材料層疊交匯，濃香又清爽。

筆墨酥香 $48﹕夏日限定之一品，以文房四寶主題，打卡必點！一上枱直頭靚到嘩一聲，四支毛筆造型原來筆頭係番薯酥，配上朱古力墨汁。新鮮出爐仲熱辣辣，酥皮黃金酥脆，番薯內餡細膩綿密，天然甜度，超好食！

西湖雷峰塔 $28﹕甜品擺盤也極具巧思，以杭州西湖雷峰塔為靈感，造型勁精細完整，靚到唔捨得到食。奶凍口感順滑，奶香味濃。淡綠色嘅西湖酸酸甜甜應該係水果醬汁，都幾夾。

暴打鳳梨茶 $28﹕超可愛號熊仔茶，茶底幾香，再加入新鮮嘅鳳梨塊，鮮果非常清爽，酸酸甜甜夠解膩，清新水果消暑之選！

懷舊米漿 $18﹕溫暖又順滑，米味濃郁溫潤。

九曲紅梅 $12/位

全單$400有找，豐富視覺效果，味道一流。