沙田石門 6/8/2025 14:00

滋補螺片花膠雞煲 半隻 $218: 湯底選擇幾多，揀咗呢款滋補花膠雞煲，湯底呈乳白色，本身味道幾香甜。半隻雞份量都非常充足，仲有大大塊嘅螺片同花膠。將材料放入湯中煮熟，慢慢釋放出更多甜味同膠原蛋白，真係非常之滋潤。螺片同花膠都煮得腍滑。半隻雞肥瘦適中，經過慢煮後充分吸收左湯底嘅鮮味，肉質非常嫩滑爽口，雞皮亦帶油香，可惜雞味比較薄弱。

極品本地手切牛頸脊 $238: 呢款牛肉脂肪分布均勻，大理石紋理非常靚，睇得見的高品質。輕輕煮十秒八秒，肉質呈現淡淡嘅粉紅色已經可以享用。牛肉仍保持鮮嫩多汁，淡淡嘅牛肉自然香甜味。加上沙茶醬甜豉油就最岩！

十優狀丸 $108﹕賣靚靚，一次過試齊五款口味。每款都好新鮮，口感彈牙。墨魚魚丸本身海味香濃，食得出粒粒墨魚肉，更加爽口Q彈。仲有一款黑墨丸，應該加左墨魚汁，味道更咸香。升級版加入加入黑松露，菇菌味香非常夾！蝦丸真材實料，蝦肉勁鮮甜，勁彈牙。鯪魚丸食得出新鮮，魚香濃郁，口感紮實。

雜菜籃 $70: 幾款蔬菜都非常新鮮，吸收晒湯底香甜，清爽！

全單要近$700，性價比一般。