深圳五和 16/3/2025 15:00

點評抽到兩份冰品，就當一個甜品下午茶。

招牌全家福桂花糖豆花

賣相非常靚，而且好豪華，有豐富配料層次分明。整體擺盤非常有誠意，每一個元素都整齊咁鋪喺碗入面。豆腐花本身非常嫩滑，而且每一口都可以品嘗到鮮濃嘅豆香味，配埋精心熬製嘅桂花糖水，帶有淡淡白甜。配搭上滿滿嘅芋圓、馬蹄爆爆珠、綠豆蓉、紫米蓉多種配料。上面有一個雲尼拿雪糕球，再加上芋泥，非常豐富。

奧利奧牛奶雪花冰

第二真係一款夢幻甜品，無論係外觀定味道都讓人眼前一亮！雪白嘅牛奶冰綿密到好似雲朵咁，加上一層層奧利奧屑，既精緻又吸引。上面仲有一層厚厚嘅奶蓋，帶一點咸香味，一個朱古力雪糕球味道香濃，起到提味作用。牛奶雪花冰細膩輕盈，似乎喺嘴裏即刻融化，帶出陣陣香濃嘅奶香味。奧利奧碎加一點濃郁嘅可可味仲加咗幾塊奧利奧餅乾。仲加咗幾塊奧利奧餅乾更加飽足。牛奶冰中間就發現牛奶冰內藏有紅豆爆珠等，有驚喜！

食到一半店員話製作上配料出錯，所以無條件送多一份，感覺上雪花冰入邊嘅配料有微妙嘅分別，不過兩份都好好食。

點評收藏打卡再送一份薯條，新鮮即炸，熱辣辣。