觀塘業運 13/6/2026 14:00

花膠翅雞髀米線 $108﹕個湯底真係靈魂所在，奶白濃稠，滿滿膠質，入口非常香甜滋潤，飲一啖湯成個人即刻暖晒。材料份量多，雞髀啖啖肉，肉質腍滑多汁，骨肉輕輕一拉就皮肉分離，雞味幾香濃，燜到入晒味。花膠同魚翅都落得重手，花膠軟糯彈牙、入口即化，魚翅鮮甜。米線吸收晒濃湯精華，非常好味。

蜜糖雞翼芝士竹輪米線 $52﹕蜜糖雞翼烤到金黃油亮，表面掛住一層亮晶晶嘅蜜糖醬汁，甜中帶香，外皮炸得香脆，肉質嫩滑，充滿肉汁。湯底揀左番茄湯，微微酸甜好開胃，最邪惡係芝士竹輪，竹輪本身爽彈，一咬落去入面嘅芝士即刻爆漿拉絲，香濃芝味。

麻藥蛋 $28﹕麻藥蛋係必試之選，蛋煮到剛剛好，蛋白滑溜，蛋黃半凝固，溏心質感流心又綿密。雞蛋浸到入晒味，鹹香惹味，仲有好香蒜香同麻油味，超正!

熱柚子蜜 $10