九龍灣 7/8/2026 20:00

今日晚餐雞駅食花膠雞。

姫松茸竹笙花膠雞髀上海麵 $93﹕勁足料，份量十足。湯底充滿濃郁嘅雞香，飲落鮮甜滋潤。姫松茸同竹笙吸滿晒湯汁精華，花膠口感軟滑彈牙。雞髀大大件啖啖肉，肉質軟嫩，上海麵煙韌彈牙，索晒湯汁，滋補又滿足。

麻藥蛋 $28﹕最愛必點，蛋白滑溜，蛋黃半熟。浸透咗惹味嘅醬油、蒜香、芝麻味勁香，送麵食一流。

蜜糖雞翼 $42﹕金黃脆卜卜，淋左甜甜嘅蜜糖，雞翼肉質鮮嫩多汁，外脆內軟，蜜糖又香甜惹味。

黑松露醬薯條 $32﹕幼身炸得夠脆，黑松露醬味道香，酸甜開胃，勁正。
熱檸檬茶 $4
全單$199