土瓜灣 23/5/2026 16:00

經過馬頭圍道買幾款港式小食當下午茶。小食最吸引嘅地方，往往就係即叫即製，入口熱辣辣。

招牌白魚蛋 $24﹕咬落去夠爽口，魚味自然有鮮味，白魚蛋感覺更加清爽，唔辣只加甜豉油已好好食。

炸墨魚條 $26﹕外層炸得金黃香脆，中間彈牙質地，墨魚味幾明顯，帶少少鮮甜，食落唔單止得香口，仲有海鮮本身嘅鮮味。

椒鹽牛丸 $12﹕牛丸本身夠彈牙，咬開仲食到扎實肉感，仲爆肉汁，加上椒鹽調味之後，香氣更加突出。

司華力腸 $17﹕份量十足，外皮脆卜卜，鹹香濃郁。