深圳卓越Intown 29/9/2024 18:00

點評抽到零元探店，麵屋豬一份拉麵套餐。一碗拉麵加可爾必思，另外再買一個一人套餐，一碗拉麵加中華海草 48元。

主打豚骨湯拉麵有四款湯底，揀咗豚骨王，墨王拉麵。

豚骨王係豬骨濃湯，白白嘅湯底，入口非常之順滑，豬骨味香濃。拉麵揀咗偏硬，口感煙靭，叉燒薄薄的，幾香甜。溏心蛋印咗可愛嘅公仔，蛋黃做得不錯，可惜蛋白略嫌不夠醬油味道。拉麵配料都係應有盡有，而呢個價錢嚟講相當抵食，仲有啲豚王嘅影子。

另一款係黑色拉麵，似乎加咗墨魚汁同芝麻，味道更加鹹鮮，蒜蓉味更加香，係一款更加重口味嘅湯底。

每位奉送一粒日式大福，作為餐後甜品。隨餐嘅中華海草都非常清涼，可爾必思非常解膩。

呢間分店環境明顯較闊落，仲有四人枱可以坐。