深圳華強 24/5/2026 11:00

點評換領60元代金券兩張，可以叫三碗麵，埋單補5元。

叉燒味噌拌麵 36元﹕簡簡單單，味噌醬好惹味，醬汁緊緊包住麵條，入口幾順滑，味道濃郁得嚟又唔會太鹹。味噌本身有種深沉嘅鹹鮮味，叉燒質帶少少油香，幾嫰滑，麵條本身保持到彈口，都非常掛汁，不錯。

紅油肉沫擔擔拌麵 32元﹕紅油一拌開，香辣味即刻出晒嚟，再滲出少少麻辣味。肉沫細碎入味，調味鹹香，拌埋麵一齊食可以增加口感，麵條掛汁能力幾好，紅油同醬香沾滿麵條，不錯。

墨王叉燒拉麵 49元 + 蛋8元，第一感覺係賣相幾吸引。湯底色澤深濃，配上大片叉燒、拉麵同溏心蛋。味道明顯偏濃郁，入口有豐厚嘅鹹香，同時帶住油脂香氣，口感幼滑。叉燒亦係成碗麵嘅重點。肉片份量夠有誠意，肥瘦分布如果處理得好，入口會同時食到肉香同油潤感。拉麵硬度適中，口感都幾彈牙，掛湯不錯，每啖麵都沾滿濃湯。溏心蛋味道入味，軟滑濃郁，相當不錯。