旺角 18/7/2025 16:00

今日來試台灣過江龍炸雞品牌，揀左幾款做下午茶，落單後新鮮即炸，熱辣辣。

脆皮無骨雞腿排 (海苔、梅子味) $40: 份量巨大，炸得金黃酥脆，灑晒海苔粉同梅子粉，香氣滿滿。外皮香脆，酥脆到索索聲，又唔油膩，功力唔錯。酥脆感持久，拎番屋企都要些時間，放涼少少後仲保持到脆度。海苔粉同梅子粉增添左咸香同酸甜香氣，滿滿日式風味。雞排本身仲係鮮嫩多汁，基本咸香調味已好好味。加上調味粉更加停唔到口。

脆皮杏鮑菇 (椒鹽) $25: 杏鮑菇大大粒，金黃酥脆嘅外樣加上椒鹽調味，杏鮑菇仲保持住彈牙口感，一咬爆汁，菌菇香氣濃郁。

甜不辣 (咖哩) $25: 呢款甜不辣係類似魚漿嘅長條條，一啖一條，口感煙煙韌韌，炸皮薄薄，咖哩炒均勻裹滿，咖哩味非常濃郁，香料辛香味濃，微微辣度岩岩好。