深圳新洲

5/1/2025 17:00

事隔三個月，又換到點評免費試。

呢間小店就藏喺籃球場小巷嘅尾端，好似一個秘密後花園咁，超有神秘感！一入到店，無論係室內定室外，裝修都靚到爆，好有品味，而且每個角落都好適合影相打卡。最吸引嘅，就係正中間有一個超巨型嘅月球裝飾。

店員即刻送上一份餐前小食桂花蜜糖車厘茄！車厘茄真係鮮甜多汁，咬落去每一口都爆滿果香，再配埋蜜糖嘅甜味，加上淡淡嘅桂花香，呢個味道組合真係估唔到咁正！

今次點評套餐自選貝果配芝士醬加飲品套餐。

芝麻貝果配藍莓奶酪醬：貝果係溫熱上枱，口感超煙韌，還有陣陣芝麻香。藍莓奶酪醬入口即溶，味道非常濃郁，食得出粒粒藍莓果肉，真材實料。當啲貝果搽上醬料後，回味無窮，每一啖都好滿足。

笨蛋髒咖：飲品賣相同味道真係唔錯，顏值爆表。朱古力味濃郁又香滑，咖啡細膩幼滑，朱古力味濃加上奶蓋嘅香甜，層次豐富，上邊仲有一粒粒脆卜卜嘅朱古力碎，高質之選！

肉醬薯條 33元：份量非常之多，新鮮熱辣嘅薯條，外脆內綿，上面鋪滿香濃嘅蕃茄肉醬，仲加咗一啲紫菜碎多一份香味。

牛油果杏仁奶昔 28元：牛油果味香濃，口感非常柔滑，淡淡奶香味，飲落去好清新。老細非常慷慨，仲加料送贈兩小杯比小朋友。

---

29/9/2024 17:00

抽到大眾點評0元探店，開發一個新嘅站點，從來未嚟過呢個小區，沙尾站落咗車之後都仲要行10分鐘。小店就係一個籃球場小巷嘅後邊，一個神秘嘅後花園咁。餐廳內外裝修好有格調，好多打卡位，非常靚。正中間就有個大大嘅月球，不論光或暗都好，整個佈局都好靚。

今次送嘅套餐係一份自選貝果加芝士醬及飲品。另外再單點一個貝果三文治套餐（88元）。老闆娘見我哋有額外消費，自動幫我哋將普通咖啡升級做特飲。

入座就送上一份餐前小食，桂花蜜糖車厘茄。車厘茄非常新鮮，滿滿果汁再充滿着蜜糖嘅甜味，蜜糖還帶一點桂花香，估唔到呢個配搭咁好食。

葡萄肉桂貝果配巧克力黑芝麻奶酪醬：暖暖嘅貝果口感煙煙韌韌韌，帶肉桂香，仲有唔少提子乾，非常適合小朋友嘅口味。黑色醬料實在太濃郁，充分食得出朱古力、黑芝麻、芝士三者味道。貝果塗上醬料後，完全係另一道料理，滋味無窮。

萬物生長抹茶生椰拿鐵：上枱一刻完完全全展示出萬物生長嘅自然生態。飲品嘅味道都相當不錯，草系抹茶粉味道香濃，木系朱古力亦係濃郁口味。飲得出咖啡都係精選過，似乎係店方推薦嘅巴西之光咖啡，口感非常幼滑，味道香濃，有牛奶巧克力嘅味道，帶一點夏威夷果仁嘅香氣。呢杯仲加上椰香味同埋抹茶味。賣相好得之外，味道仲非常驚喜。

美式超級雙拼三文治：三文治嘅斷面非常吸引，呢個揀咗芝麻貝果，貝果面層芝麻非常多。漢堡扒大大片，肉汁豐富，加咗塊類似薯餅嘅東西喺中間，有香脆嘅口感，仲有好多新鮮蔬菜，菠蘿帶一點酸甜清爽，醬汁充足，貝果中間好濕潤，非常之豐富嘅三文治。另外仲有一小碗粟米粒，非常香甜。

貝果甜心熱可可：朱古力味相當濃郁，上邊仲有一層厚厚嘅鮮奶泡，仲加咗薄脆，非常好味。