旺角 21/6/2025 15:00

麻薯QQ布丁 $12﹕一向都鍾意佢嘅麻薯波波，今期出左新產品，細細粒嘅麻糬布丁。有紫薯、草莓、特濃朱古力、開心果、原味。麻糬波一貫嘅好味，鬆軟煙韌，加上布丁勁幼滑，口感強烈對比。布丁奶香味濃，滑到入口即溶，真係將麻薯包質素再度提升。草莓中間仲有一層果醬，味道更香濃，酸酸甜甜，不錯。開心果味仲係開心果味布丁，真係被開心果沉浸。

爆漿開心果奶油包 $20﹕呢排開心果大熱，呢個包包勁滿足。麵包鬆軟香甜，中間係開心果奶油，開心果醬香濃，加上奶油香味，面層仲舖滿開心果碎，大大一個，早餐超滿足。

香蔥芝士麻薯波波包 $28﹕一向鍾意食甜口麻薯包包，今次試咸咪有驚喜! 香蔥味勁濃，中間收埋左芝士餡同一大舊麻糬，多到可以拉絲。

開心果糯米糍 $10﹕最鍾意呢度嘅糯米糍，外皮煙韌軟綿綿，啖啖米香味。大大粒，餡料多到爆，十蚊一粒絕對超值。一款開心果有粒粒開心果碎，堅果味勁香。

榛子脆脆糯米糍 $10﹕另一款係榛子脆脆，朱古力勁濃，又夠甜，加上脆米，口感豐富。

TIRAMISU千層撻 $14

法式千層開心果脆脆酥皮撻 $14

麻糬曲奇 $58