尖沙咀東 22/7/2025 16:00

尖東站發現呢間包包似曾相識，原來係最愛包包Fresh Fresh嘅副線。包包一樣咁靚，而且紙盒同紙袋更加特別，非常打卡able!

麻薯QQ布丁 $12@﹕Q彈麻糬遇上嫰滑布丁係完美組合。麻糬包包一樣咁煙韌好味，布丁滑到入口即溶，而且蛋香味十足，甜度適中。細細粒，真係唔夠喉。特濃朱古力有勁香朱古力味。開心果堅果味十足，原汁原味。紫薯本身味道香甜，撞上朱古力更加濃郁。伯爵茶入口茶香滿滿，真係齒頰留香，有驚喜!

藍莓麻糬波波 $28﹕一向都鍾意呢度嘅麻糬包包，廿幾蚊五大個。今日發現出左新口味，係靚靚嘅藍莓味。包包依舊柔軟鬆軟，加左粒粒藍莓多一份水果香甜，藍莓大大粒，酸酸甜甜好醒胃。撕開包包係勁豐富嘅藍莓忌廉，當中仲有好多果肉，最鍾意係勁拉絲嘅鮮奶麻糬，煙韌度十足，奶香清甜同藍莓非常夾。

開心果脆脆糯米糍$40/4: 呢度嘅糯米糍真係超級好食，係每次必買產品。外皮柔軟Q彈，米味香濃。爆多開心果粒粒，仲有類似脆米，堅果味夠濃。

焦糖脆脆夏威夷果仁：入邊有大大粒夏威夷果仁，果仁脆卜卜，香氣更加濃郁，呢款加入焦糖脆脆，甜味更香，仲有一陣焦糖味，真係勁好食。