旺角 20/12/2025 12:30

人氣烘焙店 Hashtag B櫥窗琳瑯滿目，超靚！
試左近期大熱開心果系列，開心果牛角包$30 外層酥皮層次分明，非常酥脆，上面一層厚厚嘅開心果脆皮朱古力，開心果味極之香濃，而且甜度適中，唔會覺得膩。

開心果酥 $28更有驚喜，酥皮牛油香味重，中間嘅開心果餡料多到爆晒漿，口感幼滑，有好實在嘅堅果香。

最後揀左一款士多啤梨窩夫 $36，賣相超靚，窩夫皮脆脆的，充滿蛋香。上面鋪滿咗大大片嘅新鮮士多啤梨，鮮甜多汁，中間係甜甜嘅吉士打醬，正好中和咗酸酸甜甜嘅果味。