旺角 6/9/2025 12:30

今日經過呢間超人氣嘅餅店，俾新鮮出焗嘅牛油香味吸引。時間尚早，櫃內放滿唔同款或嘅酥餅，超多款式，賣相超靚。

黑糖麻糬撻 $24﹕今期新款式，賣相勁靚，撻皮金黃酥脆，滿滿焦糖香氣，切開中間就係軟滑嘅雞蛋餡，黑糖漿多到流番出黎，一大片黑糖麻糬，軟糯香甜，甜而不膩，超驚喜。

士多啤梨牛角酥 $28﹕另一款係期間限定牛角酥，大大隻，牛角酥又酥又鬆軟，牛油味香到不得了。上面嘅士多啤梨脆皮清甜果香，酸酸甜生，勁開胃。

提拉米酥 $32﹕賣相靚，千層酥鬆化，慕絲微甜清爽，灑上濃香咖啡粉，味道幾平衡。

明太子熱狗 $29﹕大大隻，麵包軟熟，香腸香脆多汁，明太子醬咸香。