深圳雅寶星河World Cocopark 22/12/2024 11:30

點評儲分換$400以下霸王餐。

阿拉伯沙拉：沙律菜非常新鮮，仲有好多車厘茄，加上醬汁酸酸甜甜非常清爽，亦都好鍾意脆卜卜嘅薄脆。

比利時粗薯條：新鮮即炸熱辣辣，粗身啖啖肉。配上迷迭香酸奶油醬，多一份清爽。

地中海燉海鮮湯：有新鮮大蝦同埋青口，湯汁好香海鮮味，帶蕃茄微酸，好開胃。麵包本身香甜，滿滿芝麻香，好鬆軟，非常適合吸付湯汁，湯汁一滴不留。

炎岩慢烤拼盆：大大件牛胸肉，脂肪油脂豐富，煮得非常之軟腍，幾乎入口即溶，又入晒味。醬汁好香蕃茄味，大量嘅洋蔥，酸酸甜甜，加上好有滑嘅薯蓉，同埋蘑菇，非常好味。

藍莓氣泡：就係雜莓梳打水。而日出甜橙就係橙味梳打水，酸酸甜甜，非常不錯。

果木烤羊肉比薩 118元：窯烤比薩餅式煙煙韌韌，上面鋪滿厚厚嘅芝士，仲有酸忌廉，羊肉用中東香料醃製味道非常獨特。

餐廳靚到不得了，好有氣氛。菜式非常有地中海風情，味道非常好。服務甚佳。