啟德天璽天 16/8/2026 15:00

終於都試到呢間極高人氣嘅抹茶專門店，次次行過都排晒隊，超受歡迎!

抹茶豆腐草莓 $85: 賣相精緻誘人，層次感非常豐富。抹茶濃郁醇厚，草莓醬啖啖果肉，鮮甜果酸，口感格外清新，最後係滑溜細膩嘅豆腐雪糕淡淡嘅大豆清香，甜而不膩。可惜抹茶給比下去。

兩球雪糕 $58: 揀左開心果堅果味、焙茶味，一次過滿足兩款大人氣口味。開心果堅果味雪糕質地綿密扎實，極濃郁嘅堅果香，奶香十足；而焙茶味雪糕則茶香撲鼻，炭焙焦香，茶味濃烈，甜度控制得恰到好處。

抹茶雪糕大福 $38: 經典日式甜品嘅極致展現，賣靚靚。一大粒超甜士多啤梨，加抹茶粉。大福糯米皮薄得嚟極之煙韌軟糯，入口軟綿彈牙。包住入面厚實冰凍嘅四號特濃抹茶雪糕，抹茶雪糕質地順滑，茶香濃烈而回甘悠長，50%抹茶真材實料。充滿日式風味，抹茶控不可錯過。