旺角 9/5/2026 15:00

包裝賣相靚，試咗幾款人氣甜品，又靚又好味。
桃膠椰凍 $42﹕樽仔太可愛，感覺幾清新。椰凍本身質感滑溜，淡淡椰香，味道唔太甜，食落好舒服。桃膠黏滑，蜜味清甜，仲加左杞子，味道清甜，又夠滋潤。

脆皮開心果大福 $32﹕ 外層係脆皮朱古力，一咬落去先感受到香脆口感，之後先到麻糬外皮嘅煙韌，層次分明，內餡仲非常豐富，入面嘅開心果餡香氣好突出，堅果味濃郁之餘又帶自然油香，甜度控制得幾好，唔會蓋過開心果本身嘅香味。

麻糬抹茶味配海鹽芝士奶蓋醬及開心果碎 $52﹕抹茶麻糬本身煙韌柔軟，茶味濃郁微微甘甜。配上海鹽芝士奶蓋醬鹹鹹甜甜，令整體口感更幼滑。最後開心果碎新鮮香脆，多咗堅果香同粒粒口感，味道更加豐富。