旺角 30/5/2026 13:30

經過旺角試吓「PHO HOME」，呢度主打越南風味嘅餐廳。二人餐$208。

香茅豬扒湯檬﹕個湯底好清澈鮮甜，檬粉幾幼滑。豬扒醃得非常入味，烤到表面微微焦香，肉質唔乾，香茅香氣。

生熟牛肉湯河﹕骨湯底香濃，鮮味好突出。熟牛肉片腍滑入味，而生牛肉片就放入滾燙湯底度輕輕燙一燙，肉質極之嫩滑，帶點粉嫩，牛味新鮮又清甜。湯河本身爽滑有彈性。

香茅雞翼﹕有驚喜，雞翼大大隻，醃得夠入味，外皮金黃酥脆，入面嘅雞肉就保持住嫩滑多汁，滿滿香茅同香草嘅香氣。

飲品揀左椰汁三色冰﹕椰汁奶香濃郁滑溜，底層嘅三色配料各有口感，軟糯嘅啫喱條條、綿密嘅紅豆，冰涼透心，甜度啱啱好，清甜唔漏。

餐廳細細，座位有啲迫。