深水埗 11/10/2025 14:00

今日來到西九中心美食廣場，呢間Pizza店選擇非常多。

千島海鮮韓式pizza $79: 新鮮即焗，賣相吸引，整個餅面有好多魷魚、蟹柳絲、蜆肉等等，再加上大量芝士，顏色配搭豐富。餅底厚薄適中幾鬆軟，千島醬嘅味道非常突出，甜中帶酸，好開胃，芝士份量夠慷慨做到拉絲效果。

卡邦尼炒年糕公仔麵 $69: 勁多奶油超忌廉咪，芝士奶香味濃郁，口感順滑，煙肉鹹香，洋蔥超甜。韓式年糕煙韌軟糯，富有嚼勁，公仔麵就夠索晒汁 好飽肚。

原味飯卷 $50: 紫菜鹹香，脆卜卜，材料都好豐富，有蟹柳，紅蘿蔔，青瓜，魚片等，好有韓式風味。

食物係不錯，但係西九龍中心美食廣場實在太多人，座位真係麻麻哋。