旺角 9/5/2026 15:30

今次試咗 THAI SHACK 幾款經典泰式小食同主食，正宗泰式街頭風味。

泰式金邊粉 $79，賣相相當吸引，炒得乾爽而唔油膩。米粉煙韌，醬汁酸酸甜甜，味道平衡得唔錯，配豐富，有爽口大蝦、豆乾、芽菜、蛋等，同米粉拌得幾均勻。花生碎加咗少少脆口感，好惹味。

加配泰式春卷， 經典小食，外皮炸得金黃香脆，內餡食到蔬菜同餡料本身嘅香味。配埋醬汁食，甜酸味更加突出，令春卷食落更醒胃。

肉碎生菜包 $48﹕非常清爽同惹味，肉碎炒得香口，調味帶有淡淡魚露香，味道濃郁，微微酸好開胃。生菜又夠新鮮爽脆。生菜包住肉碎一齊入口，口作為前菜特別討好。

泰式地道燒紅雞串 $28﹕味道超香氣，雞肉串燒得帶少少焦香，肉質保持嫩滑，非常JUICY。紅咖哩醬香濃惹味，味道甜甜地，三大串，啖啖肉，超抵食!