屯門Hotel Cozi Resort 17/8/2025 12:00

特登嚟屯門食自助餐，因為環境實在太吸引，到處都係火車主題，連座位都係火車車卡包廂，小朋友一入場已經勁興奮。餐廳外有一個觀景平台Cozi Starry，環境光猛都幾舒服。

餐廳唔算大，但係應有盡有，麵包前菜、沙律、凍海鮮、刺身、熱盆、甜品、飲品都齊全。主打海鮮主題選擇都幾多，蒜蓉粉絲蒸扇貝限量，粉絲索晒蒜蓉汁。即煮嘅海膽汁鮑魚蝦仁意粉，新鮮熱辣，味道不錯。最愛嘅甜品首選自製脆皮窩夫，牛油味夠香，新鮮熱辣，外脆內軟。自行配上雪糕同埋朱古力醬，拍得住出邊嘅甜品舖。最後仲有多款雪糕選擇，貴價嘅Movenpick、Häagen-Dazs口味都幾多。首次是香港品牌Co Co Berry有好多香港特色嘅口味，豆腐味清甜豆味香，超推介。香港奶茶非常濃郁，都不錯。

食飽飽上五樓兒童遊樂場玩，場地唔算大，但玩樂設施應有盡有，連電動車都有得玩，真係超開心。