土瓜灣 23/5/2026 14:00

欖油酸種多士配自家青醬 $38﹕酸種多士烘得幾好，外層帶少少香脆感，食到酸種麵包特有嘅淡淡發酵香。欖油令多士多咗份圓潤油香，最加分係自家青醬，香草味清新，帶住堅果同芝士嘅鹹香，相當特別。

煎帶骨豬鞍扒配藍莓香醋汁 $178﹕豬鞍扒煎得幾香，表面微微焦香，切開之後肉質仍然保持嫩口，豬肉本身味道已經幾扎實香甜。藍莓香醋汁帶少少果香同甜味，配上香醋嘅微酸，感覺似紅酒汁，將豬扒嘅油香平衡得幾好，食落更加清爽。

法式油浸鴨腿配姬松茸意粉 $143﹕鴨腿本身處理得唔錯，外皮帶少少微脆，入口有油香。配搭嘅姬松茸意粉亦有驚喜，忌廉味香濃，意粉掛汁能力唔錯，吸滿油香。

純素甘荀蛋糕 $52﹕質地濕潤鬆軟，甘荀甜味自然，仲有好多提子乾，香甜惹味。配咖啡非常扛食。

日式抹茶紅豆忌廉卷蛋糕 $42﹕質地鬆軟輕盈，抹茶味唔算太濃烈，但有淡淡茶香同微甘，紅豆甜度適中，保留到豆香同粒感，忌廉打得夠滑。

熱鮮奶咖啡、燕麥奶﹕咖啡香氣柔和，奶味同啡味融合得自然，入口夠滑，口感圓潤，柔和細膩。

五百蚊有找，舒適慢活。