by admin | 4 月 21, 2025 | 2025珠海長隆海洋王國, 主題樂園, 珠海
21/4/2025 14:00
自助餐後玩埋最後下午場。
14:15 5D城堡影院﹕畫面、音效、風水特效做得非常好，故事無冷場，小朋友都鍾意。
15:00 隱藏遊戲搵閃卡最後衝刺，最後每位小朋友都拎到超過十張卡，換到襟章同拼圖，收穫滿滿。
15:45 離開園區，坐滴滴去珠海口岸，遇上少許塞車，17:00到達口岸，預留時間逛逛新開嘅口岸天地。商場有幾層都唔細，但係十室九空，唔算多舖頭，而且無乜人氣。有幾間較大型賣澳門手信店，仲有間Miniso睇下。人流唔多，所以最後唔打算係度食下午茶。
17:45 開始離境程序，幸好商場旁邊已有大門入到關口大樓，見另一邊剛剛有旅遊巴落客已經打晒蛇餅。入到大樓其實唔算多人，十分鐘唔洗已經過晒關，之後就搵番環島中港通回程。今次揀左由關口出發到大圍，原來價錢平好多，成人車票$120，最抵係有小童優惠票$70。其實都係客滿即開，所以距離原本買票時間仲早，都可以照上車提早離開。
18:30 到達香港關口，始終合併澳門回港嘅人流，人比較多，但都係十分鐘已成功過到人工通道。
19:10 去中港通巴士總站上新界線直通，直到大圍火車站落車。
20:20 返到馬鞍山，旅程結束。今行無論係園區內、酒店、餐廳都不停收到唔同禮物，收穫滿滿，小朋友最開心。
by admin | 4 月 21, 2025 | 2025珠海長隆海洋王國, BB Friendly, 中菜, 主題樂園, 兒童餐, 港式, 燒烤, 珠海, 甜品, 自助餐放題, 西餐, 酒店
21/4/2025 12:00
睇完馬戲秀，返企鵝酒店食午市自助餐。本身每組套票贈送兒童自助早餐，好彩問一問前台，只需要補30元就可以升等食午餐。小朋友100CM以下仲免費。酒店房客仲有餐飲優惠，成人二人同行只需要248元，真係抵到爛!
餐廳相當大，有落地玻璃可以見到企鵝，不過果區人多，而且較迫，坐另一邊大長枱非常舒適闊落。
by admin | 4 月 21, 2025 | 2025珠海長隆海洋王國, 主題樂園, 珠海
21/4/2025 08:00
珠海第二日行程，八點幾已經集合，係酒店大堂影相打卡，換到好多小禮物俾小朋友。經酒店通道進入園區，要出示入往證明先可以通過，去到勁快檢查行李，未夠九點已經可以入場，呢個真係主題酒店嘅專屬福利。提早一小時入園主要開放區域係熱帶雨林區，睇番尋日未睇嘅展館，周圍打卡。
10:00 離開園區前往卡卡虎劇場，步行大約十零分鐘。園館唔算大，人流亦唔多，距離舞台都唔算遠，睇得非常清楚。
10:30開場，全場一個鐘左右，有唔同主題表演，非常多互動環節，可算係一個兒童版馬戲表演秀。舞台設計、服裝充滿童話色彩，音效表演充滿驚喜同歡樂，絕無冷場，仲有好多可愛嘅小動物立驚喜配身，好適合一家大細。
胡桃兵樂章
一群華麗裝扮的胡桃夾子士兵以整齊的步伐登場，並展示高空技巧，讓舞台變成一個絢爛的慶典場景。
泡泡蝶舞
演員創造出五彩斑斕的泡泡，隨著音樂飄動，營造出如夢似幻的泡泡海洋，深受小朋友喜愛。
光影勇者
以光影交織的動態表演，讓觀眾彷彿置身於星際冒險的場景，充滿未來感。
粉小琦魔法秀
演員以快速換裝和魔術融合，展現娃娃般的奇幻變裝秀，讓孩子們彷彿看到心愛的玩偶栩栩如生。
汪星滑板隊
訓練有素的小狗展示滑板技巧，靈活穿越障礙，帶來無限驚喜。
by admin | 4 月 20, 2025 | 2025珠海長隆海洋王國, BB Friendly, 主題樂園, 珠海, 酒店
20/4/2025 21:00
食完晚餐之後就去正式攞房咭，企鵝酒店真係一個親子樂滿分，無論係環境設計、家庭友善設施定係整體體驗都令人印象深刻。酒店大堂非常豪華，已經感受到歡樂氣氛，大堂以企鵝為主題。
今次可以升等去九樓嘅極地房，一開門真係超驚喜。房間設計非常用心，全間房都係企鵝主題，可愛床單同抱枕，卡通壁畫最靚。梳洗用品都係全套企鵝主題，有大人亦有小朋友嘅份量，仲有迷你膠凳、兒童專用浴袍同拖鞋，連電視都有專屬嘅小朋友頻道，非常貼心。兩張單人床夠大，拍埋一齊都夠瞓。房間已經贈送支裝水，有需要的話可以聯絡客服免費拎多幾支，服務速度相當快。
第二日只需要將房咭放落收集箱，快速退房，非常方便。
適逢酒店周年紀念，有集章遊戲，到指定地點打卡可以得到閃卡，儲齊仲可以得到紀念品。
by admin | 4 月 20, 2025 | 2025珠海長隆海洋王國, BB Friendly, 中菜, 主題樂園, 兒童餐, 珠海
20/4/2025 20:30
企鵝酒店食街嘅淘氣滿滿兒童餐 （99元）真係小朋友嘅夢想美食集合，賣相吸引眼球，繽紛色彩嘅擺盤令人一見鐘情，好似開盲盒咁。
秘製炸雞全翅、薯格、腸仔八爪魚、蔬菜蝦餅、薯蓉甜筒、牛肉粒卡通意粉、玉米湯。迷你水果杯，啱晒小朋友食。甜品仲有布甸同朱古力，賣相可愛，味道不錯。
餐點仲送咗一盒成長禮盒，其實係樂園主題飛行棋，做功非常精美，值得收藏。
by admin | 4 月 20, 2025 | 2025珠海長隆海洋王國, 主題樂園, 珠海
20/4/2025 18:30
18:30 海洋互動船：呢個絕對係一個不可錯過嘅機動遊戲。一坐上船，就好似進入咗海洋世界，睇到不同真與假嘅海洋生物。全程唔刺激，最岩小朋友。
19:15 鯨鯊館
19:30 海洋夜光大巡游﹕同日間巡遊唔同，花車著晒燈，完全另一種體驗。邊行邊睇，慢慢移動離開樂園。
19:45 企鵝酒店噴泉廣場睇煙花真係一個令人難忘嘅體驗，的確係小紅書推介秘景。噴泉廣場係一個大平台，空間夠，而且人流極少，難得可以係個咁舒服嘅環境睇煙花。廣場背景音樂同噴泉表演同步，再加上煙花同無人機表演，絕對係另類享受。雖然觀看位置遠左少少，但可以避開人流離開，而且位置更加舒適，非常適合一家大小。
