深圳KKone 25/5/2025 12:30
點評餐 159元
明洞阿姨韓式大排檔裝修非常特別，好似列車嘅卡座，彷彿置身於韓國街頭。點評套餐相當抵食，包括四款燒烤肉：明姨特色牛排、特色瘦牛、原味牛五花、水果秘制豬排。肉質還算鮮嫩，切片厚薄適中。牛肉油花十分均勻，經烤盤炙烤後，油脂充分釋放，肉味還好，可以自由拌菜食用。韓式風乾腸一咬爆漿，啖啖肉汁，非常鮮味。
店內還提供韓式經典配菜如泡菜、辣醬蘿蔔、薯仔沙律等。搭配嘅秘製醬料款式都幾多，有帶甜嘅醬汁，亦都有辣醬等，隨意選擇。
芝士火雞麵係一道辣味刺激與濃郁芝士香氣完美結合嘅料理。麵條富有彈性，仍然保持Q彈滑韌。辣醬濃厚，一口下去即刻感受到辣度，而辣味隨後被芝士嘅醇厚奶香平衡。醬料均勻地附係麵條表面，每啖都充滿香辣滋味。芝士醬濃稠，仲可以拉絲，仲有一隻太陽蛋，拌勻一齊入口時更加柔和，多一份蛋香。脆卜卜嘅紫菜起都提味作用，添加麻油味鹹香味。
價錢便宜，味道一般，真係一分錢一分貨，仲要自己燒烤，味道打折扣。
深圳領展中心城 11/5/2025 18:00
烤羊肉串 36元﹕每一串羊肉串睇落都非常吸引，色澤均勻，炸得微焦，外焦內嫩。有香濃嘅羊肉膻味，味道咸香適中。烤肉上嘅香料調味亦係恰到好處，胡椒、孜然同辣椒粉嘅比例非常均勻，帶有微微碳烤香，味道強烈。
酥皮肉夾饃 16元﹕酥皮外層烤到金黃色，色澤誘人，輕輕用手撕開，層層分明嘅酥皮，散發住淡淡嘅麵香，感覺輕盈而唔油膩。內餡係醃製豬肉夾心，味道香濃惹味，有五香調味，入晒味，再加上一啲特製嘅醬汁，好惹味。
土豆南瓜炖牛腩燜飯 46.9元﹕土豆南瓜炖牛腩燜飯嘅外觀相當吸引，牛腩非常足料，仲有大量薯仔同南瓜。牛腩燉煮到入口即化，肉質軟腍，部份位置有筋膜膠質都非常軟腍，牛腩本身嘅鮮甜，再加上醬料甜甜的，非常入味。薯仔同南瓜煮得軟糯，有自然嘅甜味，仲有醬汁甜味，撈飯絕對正斗。而且附件清菜，整體夠健康。燜飯份量亦非常足夠，夠飽足。
黃米涼糕 19.9元﹕呢款傳統甜品極具特色，黃米涼糕係兩層不用顏色嘅小米，面層係黃色，下層係白色小米，表面光滑平整，均勻緊實。味道微甜，食得出天然米香。口感煙韌有黏度，輕輕沾上桂花蜜，加一點清甜，更加好食。
實付122元，味道不錯，抵食!
21/4/2025 12:00
睇完馬戲秀，返企鵝酒店食午市自助餐。本身每組套票贈送兒童自助早餐，好彩問一問前台，只需要補30元就可以升等食午餐。小朋友100CM以下仲免費。酒店房客仲有餐飲優惠，成人二人同行只需要248元，真係抵到爛!
餐廳相當大，有落地玻璃可以見到企鵝，不過果區人多，而且較迫，坐另一邊大長枱非常舒適闊落。
深圳南山中心 9/3/2025 19:00
0元探店韓燒二人套餐！
韓香亭韓式燒烤店環境充滿著韓國街頭的濃濃氛圍，環境舒適又清爽，完全不怕滿身煙味！
泡菜酸酸辣辣、醃蘿蔔、海帶絲等韓式小菜種類非常豐富，而且可以無限續加，其中馬鈴薯蓉非常綿密，味道甜甜的，小朋友非常喜歡。而且南瓜粥味道香甜，南瓜味香濃，飲多幾碗都可以。
先來雪花肥牛，睇上去略肥。經燒烤後食得出柔嫩彈性，脂肪融化，微甜醬香與雪花肥牛融合，如用爽脆的生菜葉包裹肥牛就更加清爽。
五花肉厚薄均勻，烤得滋滋作響時，不僅外表焦香內里多汁，搭配鹹鮮味濃的韓式大醬與脆爽的生菜，真心不錯。
燒汁橫膈膜肋經過韓式醬汁的腌製，甜鹹平衡得恰到好處，入口鮮嫩而帶有淡淡焦香，可惜口感較靭。
韓式香腸燒汁脆卜卜，味道香濃。蒜蓉金菇入味，香氣滿滿。
最後，飲番杯冰涼嘅酸梅汁同橙汁，就能解膩。整體服務不錯，店員哥哥全程細心幫燒。
深業上城 2/3/2025 18:00
菠蘿蝦仁炒飯 33元﹕賣相對板，炒飯之上加左腰果仁。炒飯粒粒分明，有菠蘿嘅天然清新果香，食得出粒粒新鮮菠蘿，果汁勁多，蝦仁都幾爽口彈牙，再加埋雞蛋嘅滑嫩同少量青豆、紅蘿蔔嗰種清甜，口感豐富。
娘惹沙爺雞肉串 39元﹕未食已經嗅到嗰陣濃郁嘅娘惹風味，雞肉串燒到外層微微焦香，內裡卻嫩滑多汁，娘惹沙爺醬味道濃郁，花生芝麻味勁香，微微辣度啱啱好，非常惹味。
獅城炒貴刁 49元﹕河粉濕潤又帶點嚼勁，吸收左濃郁嘅醬料，配料有嫩滑嘅雞蛋、爽口嘅鮮魷魚，仲加左類似臘腸多一份香甜，配上翠綠嘅蔬菜豆芽加一份清新脆爽。調味咸鮮不辣，鑊氣十足。
咖椰焗烤麵包 20元﹕麵包焗得金黃酥脆內軟，中間係鮮綠咖椰醬，咖椰醬輕輕滲入麵包裡，充滿椰香同雞蛋嘅天然甜味。
送嘅蝦片都相當好味，炸得黃金香脆，充滿濃濃海鮮味。
星怡會嘅菜單選擇多元化，百幾蚊一餐外賣，出品不錯。
美團外賣 16/2/2025 18:30
幾鍾意呢間專注於羊肉料理嘅餐廳，再次品嘗。
烤蒙古羊排 65元：必點之選，賣相已經令人食指大動。每條羊排都烤到金黃帶點微焦，油光閃閃，散發陣陣香味。羊排醃得好入味，有濃郁嘅孜然香氣，混合蒜香少量辣椒碎，帶微微辣味，非常惹味。羊排本身都啖啖肉，肉質嫩滑，筋位保持咬口，食起來唔乾柴，最緊要係濃厚嘅羊膻味，越食越上癮。
特色羊肉蒸餃 25元﹕蒸餃都由手工包製，餃皮厚厚的又軟糯，內餡飽滿，有大量羊肉加入唔同嘅香辛料同蔬菜混合，保留到羊肉濃郁嘅原香，鹹香適中又清新。最欣賞佢提供嘅酸醋醬油，咸香酸味足又有蒜香，大大加分。
新鮮黃牛肉蒸餃 25元﹕呢款係牛肉內餡，入口滑嫩多汁，食得出牛肉鮮香。
西葫蘆雞蛋鍋貼 25元﹕鍋貼煎至金黃酥脆，仲保持輕微酥脆。餃皮厚厚，內餡加入西葫蘆同雞蛋，估唔到兩者可以咁融合，鮮甜食落輕盈，又唔會覺得油膩。
美團外賣@深圳福田水圍 10/12/2023 18:00
喺福田水圍非常之出名嘅一間羊扒專門店，今日選擇咗外賣嘅形式品嚐。
烤蒙古羊排 65元：肥瘦適中，脂肪部份羊膻味非常重，肉汁豐富，孜然粉同少量嘅辣粉係蒙古風味主要來源。
烤法式羊排 75元 ：呢款係西式風味，比較自然嘅鹽同胡椒，仲有少少香草烤焗嘅味道，都係非常好食，可惜兩者味道分別唔太明顯。
西葫蘆雞蛋鍋貼 25元：外皮千的金黃鬆脆，內含包咗西萌蘆卡同雞蛋非常有趣，味道不錯。
特色羊肉蒸餃 25元：皮有厚度，內餡相當豐富，充滿着肉汁，薑汁味濃，好清爽。
所有菜色都好好味，鍾意食羊嘅我表示相當滿意。好食過香港好多西餐廳百幾二百嘅出品。
