太子 15/8/2026 14:00
慢煮鹽燒鹿兒島牛舌漢堡 $118: 賣相澎湃，第一次見原條牛舌造成漢堡。牛舌又厚又長，以鹽燒鎖住肉汁，肉質軟嫩中帶有爽彈嚼勁，油脂香氣濃郁。漢堡包烘得外脆內軟，夾埋新鮮生菜同特調醬汁一齊食，仲有新鮮即炒外脆內軟嘅薯條，非常好味。
香蕉朱古力牛角窩夫配雪糕 $65: 賣相勁靚，牛角窩夫金黃香脆，內裏鬆軟。淋上濃郁嘅朱古力醬，再配上一球冰凍香滑嘅雪糕。一冷一熱、一脆一軟，仲有新鮮香甜香蕉切片，好睇又好食。
抹茶鮮奶 $24: 抹茶粉茶香醇厚，帶有淡淡嘅甘苦回甘，與蒸打得綿密幼滑嘅熱鮮奶完美融合。入口順滑，奶香與茶香平衡得剛剛好，暖胃又解膩。
蜂蜜柚子茶 $16: 酸甜適中，溫潤清爽。
星期六日冇套餐，只得散叫，單價唔平，只能夠小試幾樣，不過味道相當不錯。
何文田 15/8/2026 12:30
合桃酥 $7.5: 合桃酥外形金黃飽滿，表面帶有香脆嘅合桃碎，濃郁嘅牛油同堅果香氣。口感極之鬆化酥脆，甜度亦控制得啱啱好。
豆沙酥 $7.5: 經典唐餅，外皮焗到層次分明、酥香鬆化。入面包裹住厚實細滑嘅紅豆豆沙餡，口感綿密且甜而不膩。
朱古力蛋糕 $24: 蛋糕質地濃郁扎實，蛋糕體濕潤綿密，每一啖都食到濃郁嘅朱古力甜香，仲有勁多朱古力粒粒，朱古力控大愛。
紅豆糯米糍 $6: 糯米糍外層沾滿咗雪白嘅香甜椰絲，增添咗獨特嘅熱帶風情。煙韌軟糯嘅糯米皮包裹住香滑嘅紅豆餡，清甜綿密。
花生糯米糍 $6: 花生糯米糍外皮煙韌彈牙，口感軟糯適中。入面填滿咗香氣四溢嘅碎花生同糖粉混合餡料，多到爆餡，滋味無窮。
剛好全單$100，抵食。
尖沙咀 14/8/2026 12:00
今日午餐嚟到 Ruên 泰越餐廳享用豐盛嘅異國料理。餐廳環境裝修雅致，充滿濃厚嘅東南亞風情，座位寬敞舒適。午餐選擇多，仲可以加配小食、甜品，非常豐富。
紅咖喱配香米飯牛肉 $146﹕烤牛肉鮮嫰粉紅色，賣相唔錯，牛味幾香。紅咖喱汁質地香濃幼滑，椰奶香氣突出，微辣非常惹味，撈飯一流，食唔停口。
泰式濕炒河粉海鮮 $136﹕濕炒河粉海鮮鑊氣十足，河粉質地煙韌滑溜，索晒鮮甜嘅茨汁。配料有新鮮海鮮，包括爽口大蝦、魷魚同青口等，肉質幾甜。茨汁濃稠適中，口感濕潤滑順。
越式炸春卷 $22﹕春卷外皮炸到金黃酥脆，口感極度鬆化。入面包裹住豐富嘅爽脆蔬菜絲，保留咗蔬菜嘅清甜同水份。沾上酸甜開胃嘅甜辣醬，香口惹味。
蟹肉豬肉燒賣 $26﹕燒賣外皮軟滑，肉餡扎實，有豬肉同蟹肉，味道鮮甜。
雞肉串燒 $38﹕串燒燒到外皮微焦，雞肉醃得好入味，肉質鮮嫩多汁，沾上惹味嘅自家製沙爹醬，花生同香料嘅香氣濃郁，甜中帶微辣，惹味程度十足。
班蘭煎餅配椰子雪糕 $38﹕班蘭煎餅味道清香，配搭一球香滑冰凍嘅椰子雪糕，冰感十足，椰味十足。冰火交融，甜而不膩。
芒果糯米飯 $58﹕呢碟經典芒果糯米飯賣相吸引。糯米飯煙韌軟糯，三層係白、藍、紫。淋上香濃嘅椰漿，鹹甜交織嘅風味極佳。配搭新鮮切片嘅芒果，肉質鮮甜多汁、果香四溢，兩者結合出極致嘅熱帶風情滋味。
泡沫咖啡 $28、鮮奶咖啡$28﹕咖啡入口香濃醇厚，口感滑順，奶香為主，咖啡味道唔太濃。
炭燒豬頸肉 $108﹕豬頸肉經過炭火燒烤後，外皮帶有微脆嘅焦香，肉質爽口彈牙且油脂分明。切開見到肉汁豐富，沾少少酸辣嘅泰式醬汁，更能突顯肉質嘅鮮甜。勁正!
全單 $691，高檔午餐，味道不錯。
9/8/2026
09:00 到達羅湖，先去廣深城際列車電子售票機買電子票，最後成功買到C7026班次，09:35開。一等座只需90元，兒童仲半價45元，六歲以下免票，但係電子系統加唔到，惟有排番人工口查詢。應該係系統問題，連櫃台都加唔到，職員指示反正免票，直接帶小朋友入閘就可以。
買完票落樓下買個快早餐。安檢嚴格，但流程都好快，9:25已經入到閘內候車區。準點開車，由於呢班有中途站，所以人流名顯較多，霸唔到多一個位，如果有得揀，一小時直達快車更佳。
華北川
麻薯布丁 19.8元/2個，份量唔算大，麻薯濕潤煙韌，布甸奶香味勁濃，口感奶滑，入口即溶。
另一款提拉米蘇，係打卡寫評免費送，一件都二十幾蚊，真係非常抵寫。份量大，面層均勻撒滿微苦嘅可可粉，中和咗馬斯卡彭芝士嘅香濃奶香。蛋糕有咖啡味，朱古力味，餅底仲有朱古力脆脆，層次極之豐富。
11:00 未夠就順利到達廣州東，先去全季酒店放低行李，可以使用自助寄存行李櫃，非常方便。
第一站係萬勝圍，地鐵11號線到琶洲，轉8號線繼續。兩線車站隔得非常遠，出閘後要戶外行一段路再安檢入閘。車程大半個鐘，大約十二點到達萬勝圍。
大埔 3/8/2026 16:00
芋泥西米桃膠芋圓 $38﹕呢碗真係足料到爆！滑溜香濃嘅手作芋泥口感綿密，充滿濃郁嘅芋頭香氣。入面仲加入咗晶瑩剔透嘅西米同滋補養顏嘅桃膠，芋圓煙煙韌韌，甜度啱啱好，食落滋潤又滿足，絕對係芋泥控嘅至愛！
綜合芋圓燒仙草 $42﹕底層係滑嘟嘟、充滿草本清香嘅黑溜溜燒仙草，口感冰涼嫩滑。面頭鋪滿咗色彩繽紛嘅綜合芋圓、地瓜圓，咬落煙韌Ｑ彈、嚼勁十足。淋埋附送嘅鮮奶或者糖水撈埋一齊食，甘甜清涼又解暑，真係傳統糖水嘅極致享受！
粟米煎餃 $40﹕煎餃外皮煎到金黃酥脆，入面嘅豬肉餡肉汁豐富，仲加入咗大量新鮮粟米粒，一咬落去粒粒粟米喺口入面爆開，帶出天然嘅香甜味，沾點少少醋一齊食，惹味又開胃
椒鹽炸豆腐 $28﹕豆腐外層炸到金黃香脆，入面依然保持住嫩滑，面頭灑滿咗惹味嘅椒鹽，沾少少泰式酸辣醬，鹹香惹味。
羅湖 2/8/2026 10:00
上次霸王餐寫咗食評後，今日再憑食評免費換提拉米素。
原味提拉米蘇 28.8元﹕完美還原傳統意大利嘅經典風味！面頭灑滿咗香濃微苦嘅可可粉，一啖食落去，苦甜交織嘅口感瞬間激活味蕾。手指餅吸滿咗濃縮咖啡同酒香，濕潤度啱啱好，配搭幼滑香醇嘅芝士忌廉，入口即化、香氣四溢，甜度適中。
藍莓提拉米蘇 29.8元﹕呢款藍莓提拉米蘇更充滿驚喜，經典嘅意大利芝士蛋糕質感極之綿密幼滑，入口即化，濃厚嘅馬斯卡彭芝士奶香喺口入面慢慢散開。最正係融入咗新鮮藍莓嘅果酸，微酸帶甜嘅果香完美平衡咗芝士同手指餅嘅甜膩感，仲有大大粒新鮮嘅藍莓，香甜多汁，冰凍食落去清新又治癒！
