四季良晨

四季良晨

17/8/2022 13:00

今日去烏溪沙搵朋友仔玩,玩完後食個好味午餐,朋友推介呢間台式餐廳。

揀左全日套餐有主食、小食加飲品,都抵食喎。

點左酥炸豬扒紅燒湯台灣麵配滷水牛肚,另外叫左杯奶蓋抹茶。

炸豬扒相當脆,炸皮好薄,啖啖肉,不錯。台灣麵湯底幾香濃,仲有少少辣味,不錯。

牛肚細細碟,味道都ok,幾夠入味。

奶蓋抹茶係跟餐加$25,淡淡抹茶味,奶蓋都係薄薄的,呢杯飲品就一般啦。

朋友食鹽酥雞,試食左一舊,都好脆,仲好Juicy,下次可以再試。

靚靚冬甩

靚靚冬甩

下午茶時間少少肚餓,上網見過大街餅店嘅甜品靚到不得了。一入去就見一個大甜品櫃,放滿冬甩,件件冬甩都有唔同卡通人物嘅特徵。最後女女揀左黃色嘅Winnie The Pooh。

買左一個套餐,一件Winnie The Pooh 冬甩,配特飲汽水,價值$68。

呢個冬甩實在太靚,外層係脆卜卜嘅朱古力,包住入面係冬甩麵包,唔太甜,不錯。

飲品就揀左幻彫雪花冰,其實就好似刨冰,加左唔同味道嘅果汁,仲有啲啫喱係上面,酸酸甜甜,夠晒凍。

另外係出面街嘅小賣店買左呢個米妮雪條。靚架。應該係士多啤梨加朱古力味。

茶入饌

茶入饌

春水堂@沙田

8/5/2022 12:00

春水堂飲品就試得多,今次第一次黎堂食台式料理。假日黎到非常多人,要等一陣位。

紅燒牛肉麵(半筋半肉)$88

牛肉份量都幾多,台灣麵條軟硬適中,湯汁帶少少辣味,牛肉炆得夠林,最鍾意食牛筋夠晒腍,入口即溶。

豬手魯肉便當 $92

便當本身有一碗肉丸湯,清清地無乜特別。配料有些清菜魯蛋,幾舊豬手同肉燥飯。豬手夠腍,幾入味。

酥炸豬排配他他醬便當 $82

炸豬扒有兩大件,幾香口,炸皮夠薄。

滷香大腸 $48

細細碟,勝在大腸滷得好入味,都夠腍。

黑糖琥珀珍珠拿鐵 $39

黑糖珍珠幾彈牙,黑糖味夠香,拿鐵夠奶香。

朱古力珍珠幼茶 $38

貪得意有兩隻蝴蝶仔,朱古力都夠濃。

甜品要左呢個珍珠鐵觀音雪糕吐司 $58 

賣相同圖片都有啲分別。呢個有啲平凡。還好雪糕茶香味幾足,味道都唔錯。吐司熱熱地,口感不錯。

味道唔錯嘅,但價錢的確略貴。大時大節一次無妨,或平時買杯飲品外賣算吧。

小黑糖

小黑糖

小黑糖@尖沙咀
15/12/2019 14:00

食完韓式料理,就行去隔離不遠嘅厚福街搵野飲。
一條街仔幾間茶飲店,最後揀左呢間似乎都幾受歡迎嘅小店。

近來幾鍾意飲黑糖珍珠,正好呢間小店主打小黑營系列,選擇非常多,即刻選擇困難症。
最後揀左小黑糖珍珠厚鮮奶同埋宇治抺茶歐蕾珍珠,似乎都係招牌之作。

小黑糖珍珠厚鮮奶 $32
肥杯仔份量剛夠,賣相好吸引喎。
厚鮮奶奶味好香,非常幼滑。黑糖珍惜煙煙韌韌,甜味適中,不錯。叫左七成甜度,個人認為甜度剛好。

宇治抺茶歐蕾珍珠 $32
漸層色賣相好靚,黑糖珍珠都係一樣的,奶味好足,再加一點宇治抺茶味,配合得幾好。

兩杯味道都不錯,價錢唔貴,下次想再試下紫色果杯。

廣州巧遇Kitty

Bon Bons Hello Kitty Cafe

3/8/2014

18/1/2015 

廣州cafe第二回。喺花城匯誤打誤撞搵到呢間正野,呢間真係好大,裝修好靚。呢左黎度唔洗咁辛苦排大坑果間lu。

 

裝修真係好靚,座位上仲有Kitty陪你食野。驚喜嘅係,呢間Cafe相當乾淨企理,公仔都保養得好好。
 
 
 

採取自助服務,門口先揀野食再出票,去櫃台俾錢就等食。野食準備好後,有個Call機叫你去櫃面拎野食。
 

蛋糕櫃有好多款蛋糕,款款都好靚好吸引。

各款咖啡大約RMB 40,我飲Latte味道OK嘅,可惜因為星期日店方唔提供Hello Kitty拉花,只係隨便畫幾筆。


草莓綠茶蛋糕 (RMB 58) 都幾大件,底同面係綠茶蛋糕,中間有忌廉、吉士忌廉醬同士多啤梨。

雪吻慕思 (RMB 38) 朱古力慕思,賣相超靚,朱古力勁濃,質地都幾滑,唔算太甜又唔膩,正!
 
呢間野價錢唔平,但以主題餐廳黎講就OK嘅,影相非常唔錯,野食又靚,而且係算好味,有得影有得食,都坐得好舒服,個人黎講就覺得幾值得黎。

Vitasoy Special

 Cookies’n Cream 係朱古力加奶味,有曲奇餅味,唔錯

Tiramisu 係咖啡,朱古力混合,再加上酒味,但酒味怪怪啲