A1 聖誕系列
馬鞍山 16/12/2023 18:00
福氣鮮活麵包
深圳 World 星河Coco City 10/12/2023 17:00
上次食過幾好味，今次見到第二間分店即刻買來試。
吞拿魚飯團麵包：造型幾得意，真係好似一個飯團，麵包一樣鬆軟鹹香味，中間包住吞拿魚內涵，份量都唔少。
深圳海岸城 12/11/2023 18:00
紫米椰漿小鼓 11元：包本身幾軟熟，奶味香。中間係切切實實嘅紫米椰露，黑糯米黏口煮得爛，椰漿杰厚身微甜，不錯。
黃小米小鼓 9元：中間係黃色小米，微甜。
咔咔福氣肉鬆麻糬蛋卷 12元：蛋卷皮厚身似華夫皮，脆卜卜，蛋味香，包住豐富肉鬆海苔帶微辣、中間仲有大大件麻糬，煙煙韌韌，奶香味濃。非常驚喜。
腸仔包 10元：點評贈送，大大隻，賣相不錯。
象山酥院
水貝IBC 3/12/2023
肉鬆小貝比較濕潤，蛋糕比較實淨，醬汁唔算十分多。
朱古力麻糬 17.9
麻糬布甸 19.8 麻糬腍左，但雞蛋布甸唔甜，幾滑。
崗廈北 22/10/2023
食過好嘢就食得比較多，今次買肉鬆小貝，一睇個賣相已經唔討好，肉鬆非常之少，仲有啲禿頭。肉鬆比較濕潤腍身，蛋糕比較實淨，醬汁適中唔算特別多。以個人鍾意重口味的話，鮑師傅係明顯好食好多。
傳說中嘅豆乳蛋撻都係名過其實，只係一般酥皮蛋撻上有豆乳味嘅類似布甸，再灑一啲糖粉，淡淡的豆香，微甜，但係唔覺得有咩特別。
最好食反而係最普通嘅朱古力麻糬，口感煙韌，朱古力味非常濃郁。
皇庭廣場 12/9/2023
麻糬 21.7元
泡芙 13.8元
小貝 4.5元x6
象山酥院實在太高人氣，尤其係皇庭廣場店，排隊排了好幾十人。終於買到朱古力和芝士麻糬條，再用點評優惠買奶油泡芙，最後就係大家嘅至愛
肉鬆小貝。滿滿一大袋滿載而歸拎返屋企手信。
皇庭廣場 14/5/2023
第一次是肉鬆小貝，肉鬆非常之多中間有沙律醬，非常芝味。唔覺意買多咗嘅角色麻糬，口感煙韌，芝士味有芝士味濃郁，朱古力亦濃，仲有類似提子略帶微酸，非常好食。
Eggers 蛋格司
深圳后海匯 12/11/2023 16:00
小店係一個非常之冇人去嘅商場，有幾非常矮身嘅露營枱椅，主打做外賣。
叫咗兩份厚蛋吐司三文治加小食，賣相十分討好，材料非常澎湃，多到滿瀉。
蟹柳魚子醬、薯條、咖啡套餐 36元 + 25元
其實係非常之大件嘅蟹柳炒蛋，蛋非常滑，蟹柳都好多，上邊仲有一大堆飛魚子，口感豐富，充滿日式風味。吐司本身牛油味好香，仲加咗唔少生菜同埋沙律醬，估唔到咁驚喜。薯條都係新鮮即炸，粗身，啖啖肉。
豪大大雞扒 29元
雞扒調味非常之濃郁，佢本身都好滑，油香豐富，加上滑蛋，都係非常好味。
估唔到簡單一件吐司可以整到咁好味，價錢唔太貴，份量非常之足夠，值得推介。
卡瑪王子
塘朗寶能環球匯 1/10/2023 18:00
難得去遠啲嘅商場，見到唔洗排隊嘅卡瑪王子，二話不說就買一堆麵包可以包辦全家明天嘅早餐。
點評券11元4個迷你腸仔包，靚靚仔仔，非常飽滿，麵包香甜鬆軟，腸仔味濃，咪睇佢細細隻，都係超高水準。
肉鬆小方 6.9元﹕舖滿紫菜肉鬆，中間係酥皮香脆，好味。
爆漿奧利奧 14.9元﹕賣相相當吸引，滿滿Oreo味，略甜。
最鍾意打包非常仔細，分類獨立包好。比較香港其實價格偏貴，但係質素係高嘅，而且款式獨特。
瀘溪河
深圳萬象天地 3/9/2023
蔥油味一口桃酥9.9元
見特價冇睇清楚就買，以為係平時嘅甜屠蘇，點知原來係香蔥鹹味。入口非常鬆化，鹹香味十足，蔥香美濃，非常驚喜。
深圳卓悅匯 27/8/2023 18:00
海鹽芝士爆漿麻糬 點評優惠20元 細細粒，一口一粒，我落去真係要爆漿，忌廉芝士唧晒出嚟，芝士味濃郁，忍唔住一粒接一粒。
生椰貝貝 點評優惠16元
一盒四個，外皮係椰絲，中間蛋糕夾忌廉，有椰果啫喱，椰味香濃不太甜。
綠豆冰糕 點評優惠9元 可愛造型，凍冰冰，味道香甜，入口即溶，有綠豆味。
松松小貝 點評優惠16元
一盒六個，表面舖滿海苔肉鬆肉，肉鬆較為腍身，蛋糕入口比較實淨，中間有唔少蛋黃醬，整體來說可以，但明顯鮑師傅好好多。
