Meland Club Cafe

Meland Club Cafe

京基水貝KKTime 3/12/2023 12:00

第一次黎Meland Club,早前買左套票好抵,仲包埋餐飲滿200元即減50元傻惠。一行八人叫左兩輪,扣埋優惠大約三百多。

意式薄底香腸披薩 98元,熱帶夏威夷披薩 98元﹕披薩皮薄薄的,材料都相當豐富,勝在芝士落得夠多,味道不錯。

黃金雞塊 36元﹕啖啖肉,炸粉唔太厚,調味不錯。

黃牛大蝦至尊炒飯 78元﹕炒飯勝在炒得夠乾身。

奶油蘑菇培根溫泉蛋意粉 48元﹕大大碟,奶油味濃,醬汁超多,味道不錯。

奶油雞肉玉米芝士焗飯 68元﹕滿滿玉米好適合小朋友。

消費還送笑面薯餅,造型幾可愛。

Eggers 蛋格司

Eggers 蛋格司

深圳后海匯 12/11/2023 16:00

小店係一個非常之冇人去嘅商場,有幾非常矮身嘅露營枱椅,主打做外賣。

叫咗兩份厚蛋吐司三文治加小食,賣相十分討好,材料非常澎湃,多到滿瀉。

蟹柳魚子醬、薯條、咖啡套餐 36元 + 25元

其實係非常之大件嘅蟹柳炒蛋,蛋非常滑,蟹柳都好多,上邊仲有一大堆飛魚子,口感豐富,充滿日式風味。吐司本身牛油味好香,仲加咗唔少生菜同埋沙律醬,估唔到咁驚喜。薯條都係新鮮即炸,粗身,啖啖肉。

豪大大雞扒 29元

雞扒調味非常之濃郁,佢本身都好滑,油香豐富,加上滑蛋,都係非常好味。

估唔到簡單一件吐司可以整到咁好味,價錢唔太貴,份量非常之足夠,值得推介。

Chicken Factory

Chicken Factory

馬鞍山 8/11/2023 12:00

適逢屋企今日停食水就決定買外賣,見food panda都幾張優惠券就買呢間新開無耐嘅Chicken Factory。

無骨海南雞飯﹕賣相都唔錯,雞都幾滑,雞油飯味道幾香,套餐加配紫菜豆腐雞湯,清清地不錯。

惹味豚肉湯米線配可樂﹕適合小朋友食,正常發揮米線一碗。

重量級炸雞餐配咖哩汁﹕四分一隻焗雞加上咖哩汁實在好惹味,辣得好過癮。套餐揀左焗薯咸咸地、雞油飯,仲有可樂,實在太抵食。

扣除優惠券全單$113。估唔到質素相當唔錯,又抵食,可以Encore。

Tim Hortons 天好咖啡

Tim Hortons 天好咖啡

深圳筍崗寶能環球匯15/10/2023 16:00

點評夏日嗨吃單人餐 29.9 肉桂提子貝果、蜜核烏龍茶。貝果煙韌韌,肉桂味好多,提子帶點酸提味,不錯。

點評超值雙人餐 49.9 巧克力華夫、蛋香牛肉芝士可頌、膠原爆珠草莓椰、拿鐵。華夫朱古力味相當濃,可以自行加上芝士醬,味道更有層次。最欣賞可頌熱辣辣,本身牛油味香,芝士半溶加牛肉相當不錯。草莓椰奶香味濃,爆珠微酸,口感得意。拿鐵咖啡味濃,奶亦充足。

點評多巴胺司康球禮盒 12元4粒 巧克力、莓莓、雙椰、桃杏。細細粒類似小蛋糕,鬆鬆地,味道不錯,各個味道都食得出。

聖馬可義大利西餐廳

聖馬可義大利西餐廳

深圳卓悅中心 20/8/2023 16:00

輕奢雙人下午茶 RMB 89

下午茶搵一間坐得舒服嘅餐廳,環境相當舒適有格調。點評買到二人餐優惠,上枱就見到非常之豪華嘅二人下午茶餐。圓形架上邊放上十幾款鹹甜小食及水果,仲配兩杯水果茶,賣相十分靚,實在好呃like。鹹點有吞拿魚多士、三文魚多士等;甜點有幾款小蛋糕及焦糖燉蛋,各樣味道都不錯。啱晒打卡呃Like!

尊寶比薩

尊寶比薩

深圳彩田萬佳店 20/8/2023 12:30

今日黎崗廈北一日遊,玩完波波就係附近食Pizza。附近係住宅區,無大型商場,所以都係一般小店,揀左呢個連鎖Pizza店評語不錯,即管試試。主打外賣,但店面都有幾張卡位可以堂食,尚算舒適。係大眾點評搶到超多優惠券仲非常抵食。

奧爾良烤雞比薩 19.9元﹕新鮮出爐熱辣辣,舖面芝士同配料,餅皮鬆化,意想不到好食。

2人必買爆款小吃2份 9.9元、單人專享下午茶 (包一份小食及汽水一罐) 7.9元、加入成為會員再送小食一份

點左唔同款或既小食,薯條、黑胡椒炸雞塊、深海鱈魚條等,都係新鮮熱辣。最好食係炸雞塊,香味十足,外脆內軟仲好Juicy。

最後再扣幾張點評優惠券,全餐只需要大約40元,一家四口食得飽飽。