by admin | 3 月 24, 2024 | Blog, 中菜, 小食, 深圳, 甜品
深圳中洲灣 24/3/2024 15:30
今次又抽中大眾點評免費試,雖然餐單只價值50元,但近近地嚟到中洲灣食都可以當下午茶,原來係潮式茶店。
阿嫲手作甜湯 25元
材料非常豐富嘅甜湯,有兩大粒湯圓,花生味同芝麻味,皮夠薄,醬料較多,咬開之後爆曬出嚟,味道唔錯。仲有好多粒煙煙韌韌嘅芋圓、桃膠,紅豆等。仲有啲類似淮山嘅材料。本身個甜湯未到未添,相當飽肚。
阿嫲炸物三併 25元
三款炸物包括肉腸、外皮脆脆的,中間幾個爽口,都有肉汁。炸蝦餅炸得香脆,蝦肉大大隻,非常爽口。最後一款應該係類似炸芋頭餅,仲有好多蝦米,都幾香脆,炸物略嫌炸得太乾身。
坐落商場地庫嘅一角,人流唔多,食嘅嘢比較特別,出邊唔常見,可惜味道唔太突出,試完就算,冇乜吸引力。
by admin | 3 月 3, 2024 | 外賣, 旺角, 甜品, 麵包
旺角 3/3/2024 17:00
估唔到旺角火車站收埋咗一間排隊人氣名店麵包舖,各大網絡媒體都推介。從櫥窗見到所有麻糬麵包色彩繽紛,非常吸引。
麻糬QQ球 $48/6個
一盒裝住六個麻糬QQ波賣相好靚,麻糬球都幾大個,麻糬本身煙煙韌韌,估唔到比較軟熟嘅質地。仲幾濕潤,再加上唔同味道,非常甜。
朱古力Oreo:中間係煙煙韌韌嘅嘅朱古力味道麻糬,面層灑上Oreo碎,相當甜。
朱古力豆豆:同樣都係朱古力味麻糬,面層加左脆皮朱古力,MM豆。
脆皮紫薯:面層好似菠蘿皮脆卜卜,中間麻糬仲有粒粒紫薯肉,好驚喜。
另外買咗盒士多啤梨爆漿牛角酥$28,賣相吸引,牛角酥本身好脆,中間係微甜微酸嘅士多啤梨忌廉,凍冰冰好好味。
by admin | 2 月 18, 2024 | 甜品, 長沙灣
長沙灣 18/2/2024 15:00
今日行過長沙灣經過呢一間專食冰凍甜品嘅舖頭,環境相當闊落企理,推埋BB車入去都冇問題。
甜品選擇非常多,有好多刨冰類型嘅。
宇治金時$49 ,冰底係綠茶口味,冰感十足,有淡淡的綠茶味。上邊加咗好多紅豆,都煮得夠腍,甜度適中。白玉小丸子煙煙韌韌。同埋一個大大嘅綠茶雪糕球,奶香味龍,綠茶味都可以。
只屬於你$55,浪漫嘅名字,原來係紫薯味。粉紫色嘅紫薯冰底,淡淡紫薯味,配上白玉小丸子,仲有兩大粒香芋雪米糍,上邊一大大個香芋味雪糕。
香蕉船配三色雪糕球$43,大大碟香蕉船,香蕉都幾甜,但略嫌生咗少少,肉質有啲硬實。自選揀咗士多啤梨、朱古力、抹茶味雪糕,每個雪糕球都相當大個,味道濃郁。香蕉上面加左鮮忌廉,啖啖奶香味,總之上濃郁嘅朱古力醬,非常豐富。
by admin | 2 月 3, 2024 | 外賣, 樂富, 沙田, 甜品
沙田 3/2/2024 16:00
今日嚟到沙田,知道河畔花園收埋咗一間豆乳狂人,正好可以買個豆花做下午茶。小店細細只做外賣,買返屋企慢慢嘆。
黑糖珍珠豆花$28
豆腐花本身豆味重,都非常滑,豆腐花嚟講質素相當高,未到微甜, 正好食得出豆嘅香味。其中一款加上黑糖珍珠,多一份黑糖味,珍珠煙煙韌韌,配合豆腐花相當不錯。
三色芋圓豆花$30
另一款加上我最愛嘅三色芋圓,會員都相當多,口感煙韌,食得出有芋頭、南瓜、紫薯味道,相當不錯。
原來唔同分店餐牌唔同價錢都唔同。
樂富 30/7/2023 15:00
今日嚟到樂富廣場食完個午餐,見仲有空間搵甜品食。就喺附近見到呢一間豆腐花專門店,環境相當闊落,有座位,又可以放得入BB車,非常正。
三色芋圓豆花 $32
紫紫之選 $63
期間限定嘅一款甜品,配料相當豐富,粉紫色賣相好靚。豆腐花幾重,質地實淨得來都算滑。除咗豆腐花之外仲加咗紫薯蓉,口感綿密,味道清甜。出面仲有非常多嘅三色芋圓,每粒抖音煙韌韌,味道幾突出。
估唔到一碗平平無奇嘅豆腐花都可以變得咁豪華,真係新一代食法。
by admin | 1 月 28, 2024 | 外賣, 深圳, 甜品, 飲品
深圳KKOne 28/1/2023 13:00
上次飲過咪麻糬之後一直念念不忘,今日見到商場都有阿嬤手作即刻買杯,好彩只需等10分鐘。
手打米麻糬茉莉牛乳茶
熱飲米麻糬更加軟腍,淡淡的米香,微甜,今次配茉莉牛乳茶相當配合,奶味香。
另一半叫咗海鹽烏龍奶茶,烏龍茶底奶味香濃,加上淡淡的鹹味。
深圳歡樂港灣 27/12/2023 13:00
手打米麻糬海鹽烏龍奶茶 29元
奶茶底奶味重,夠晒熱辣辣,米麻糬口感煙韌,加熱之後用咗喺奶茶之中,好綿密,仲加咗粒粒芋圓,口感非常豐富。
茉莉生椰奶茶 19元
啖啖茉莉花香味,奶香味濃,椰子味反而唔明顯。
深圳萬象天地 3/9/2023 13:30
煮 荔浦芋圓 24元
的確,手作芋圓相當煙靭,芋頭味香,幾好味嘅,有少少芋泥有口感。茉莉綠茶水牛乳奶味香濃,茶香微甜,整體配搭不錯,亦非常飽肚。
黑糖珍珠雪糕 16元
黑糖珍珠煙韌,雪糕奶香味龍,手打雪糕口感比較綿密,味道不錯。
整體嚟講味道不錯,但係等候時間差唔多一個鐘,就真係唔太值,試一次就算。
by admin | 1 月 26, 2024 | 外賣, 深圳, 甜品, 麵包
深圳黃田鐘屋店
26/1/2024 13:00
布丁撻 15元/2個
迷你小香腸 9.9元/4個
4/1/2024 13:00
原來鄉下開咗一間麵包店,連鎖式經營好多間分店,鋪面相當乾淨企理。今日買手信,買咗四件半熟芝士蛋糕(優惠價11.5元,原18元2個)一盒肉鬆小貝(原16元4個)。點評有優惠價,相當抵食。半熟芝士蛋糕,芝士味幾濃,入口幾軟熟。肉鬆小貝肉鬆部較多,蛋糕比較實淨,醬汁唔算太多,味道正常啦。