炑八韓烤親子餐廳

炑八韓烤親子餐廳

炑八韓烤親子餐廳@觀塘

18/6/2023 12:00

慶祝父親節

$158 每位兒童入場費包一份兒童餐揀咗一款小兔蛋包飯,一份蝸牛紫菜包飯。每份兒童午餐賣相都非常之得意可愛,份量都足夠蝸牛壽司造型實在太可愛。

韓國公主裙蛋包飯城堡賣相都相當及正,立體感十足,但播放味道都不錯

每位成人最低消費$150 ,揀咗幾款燒烤同埋幾款熱食

芝士無骨炸雞$158、蜂蜜牛油味$118炸雞炸得香脆,啖啖肉,唔油膩,調味都落得足夠

燒烤揀咗牛舌$138韓牛前胸$158厚切五花$138烤豬五花$118有爐邊雞蛋無限任加,仲有各式韓式小食、生菜都可以添加。

王牌士多啤梨乳酸梳打$48

消費都唔平,勝在有兒童遊樂區有波波池,有得食有得玩,消磨半日都算可以


5/5/2019 13:00

新開親子餐廳賣廣告賣得咁行,搞到我都心思思趁下墟。
餐廳位於觀塘,地點實在太唔就腳,出左地鐵站仲要行近十五分鐘,唔係有什麼特別係絕對唔會行過黎。約左5月5日一點場,提早少少到已見一家大細排隊等入場。

一入場就見到兒童遊樂區,靚係的確幾靚,但地方唔算大,波波池、廚房玩具等,總算應有盡有。入場第一件事就係幫小朋友租韓服,兩歲碼嘅碼岩岩好。韓服仍好新淨,影相幾靚。

睇睇餐牌,之前廣告所賣嘅套餐已經瘋狂加價,睇落唔太抵食,最後決定散叫幾種過下口癮。另外,隨餐奉送前菜尤其泡菜係不錯的。

甕配韓牛五花肉 $168
只係叫左一款燒烤食品,兩大條五花肉,調味不錯的。燒烤來講,反而最突出係爐邊泡菜蛋同芝士粟米,無限任添,而且味道非常好味,絕對係MVP之選。

蜂蜜牛油炸雞半隻 $88
炸得幾香口,仍有肉汁,味道還好,薯條都非常新鮮熱辣。

韓式炒粉絲 $78
配料夠多,味道不錯,幾有鑊氣,又夠大碟,抵食。


朱古力蛋糕冰沫 $68
賣相討好,非常澎湃,材料都好多。牛奶味冰沬好幼細,加朱古力配搭一流。再加埋極邪惡嘅朱古力醬。

荔枝梳打 $36
味道是不錯的,也夠大杯。

星期日玩2.5小時,兒童入場費多謝$130,包一份所謂的兒童小食係幾塊餅乾仔。加埋自己落單嘅野食,埋單$630,一家三口連玩連食係可以接受嘅。野食係正確質素,但礙於位置實在太唔方便,而且遊樂區唔算十分大,真係玩一次就夠。
鳥之丼丼屋

鳥之丼丼屋

丼丼屋@觀塘

19/6/2022 12:00

我地一家大細都鍾意食丼丼屋,食物選擇多,餐廳又BB friendly。不過都係岩岩先知原來觀塘呢間丼丼屋與別不同,係聯乘鳥開主題店。餐牌款式的確同其他分店唔同,多左幾款鳥開滿腹套餐。

名古屋鳥開親子丼定食 $135
先來一份基本款,最鍾意半熟滑蛋,用蛋汁同湯汁撈飯食,上面仲有隻生蛋黃提味。雞肉腍腍的,幾滑,幾入味。套餐跟湯、沙律、飲品等。自選小食要左刺身,有少少幾件,都相當新鮮。最鍾意呢個甜品,類似寒天果凍的東西,滑溜溜加上黑蜜汁好味。


唐揚雞兒童定食 $65
一睇餐具就知道同其他分店不同。呢度用上熊本熊餐盆,小朋友更加開心。主食有炸雞,相當Juicy。奄列中間有少少肉碎同蔬菜。南瓜同番薯甜甜的。食埋碗湯烏冬已相當肚。甜品仲有忌廉泡芺同蘋果汁,大滿足。
北海道名物炸雞丼定食$92
今次期間限定係北海道名物炸雞丼,滿滿嘅炸雞,淋上醬油,好吸引。炸雞仍然維持脆度,中間相當Juicy,醬汁醬油味濃,令炸雞更加濃郁醒胃,送飯一流。

-------

quote 丼丼屋

「北海道名物炸雞丼」源自東京、主打地道北海道料理的著名餐廳「ととバルnemuro」,此丼物曾獲「第7回日本全國丼連盟─新派多樣丼物部門金賞受賞」。作為深受北海道居民喜愛的名物料理,北海道炸雞(zangi)既是餐桌上常見的正餐配菜,亦是他們的下酒良伴。有別於唐揚雞(karaage)用麵粉、太白粉當麵衣油炸,北海道炸雞的雞肉會先用以醬油、大蒜和生薑製作的醬汁醃漬,裹上蛋液及麵粉後再油炸。為突顯食材美味,北海道炸雞外層裹的粉漿會比一般炸雞來得薄而脆,因此味道較一般炸雞濃郁,色香味俱全。

「北海道名物炸雞丼」選用無骨雞腿肉,以醬油、蒜、薑等調味料醃漬後裹以麵粉酥炸,使炸出來的雞塊既保持鮮嫩,亦鎖住了充盈的肉汁,細味每口,肉香滋味四溢。金黃外皮吃起來酥脆卻不油膩,脆皮在唇齒間咔嚓作響,香氣逼人。另由「ととバルnemuro」傳授秘製醬料配方,以醬油為基礎,再加入洋蔥、蘋果等材料製成帶天然果香的秘製醬汁,提升嫩滑肉質口感。配搭新鮮沙律菜使丼物吃起來多了一份清爽,加上底層的宮城縣產特A級「ひとめぼれ一見鍾情」米滿載食材精華,即成殊不簡單的正宗日式丼物滋味!

--------

呢間分店更加舒適,鳥開主題定食亦相當唔錯,值得Encore。

Manhattan Grill & Bar @觀塘

Manhattan Grill & Bar @觀塘
3/9/2017 12:00

Weekend Brunch半自助西餐。包一款主菜、頭盤、湯、甜品都係自助。

  

 

 前菜有十零款,味道正常。

美式啤酒炸魚薯條
Bar真係Bar,送酒小食係做得唔錯,炸魚大大件,炸皮有小麥啤酒味,魚啖啖肉,不足嘅係切嘅時間炸皮即刻散晒。薯條新鮮即炸唔錯。

今日燒烤係兩片薄牛扒,非常鞋口,差。

澳洲草飼羊扒一般。

甜品及水果共六款,一款南瓜西米露。全場MVP係木糠布甸,木糠非常多,味道唔錯。而奶凍都唔錯,好夠奶味。自助食物嘅質素比主菜仲好。原價$198,團購價$148加一。

工廈中的森林 I’s Land Cafe

I’s Land Cafe@觀塘
14/5/2017 12:00

經Openrice網上訂位非常方便,即時已經確定Mark左12:00嘅5大1B靚位。黎到駱駝漆大廈呢間工廈6樓,估唔到收埋左呢間餐廳。一入口門就覺得柳暗花明又一村,裝修用上好多木製餐椅同綠草,根本就係工廈中的森林。座位間格非常闊落,仲有位擺BB車,的確非常舒適。

美國頂級燒西冷牛扒配薯菜沙律杯 $108
柯打左兩個假期套餐,跟埋南瓜忌廉餐湯、餐包同蘋果汁。西冷牛扒都算幾大塊,上碟黎到自動五成熟,中間仲係粉紅鮮嫰。食落都幾腍,肉汁唔錯。配菜仲有薯角非常新鮮熱辣,瓜菜同埋沙律杯。

英式炸魚x雞軟骨配薯角伴雜菜沙律配黑松露酸忌廉醬及他他醬 $98
炸魚非常新鮮,肉厚皮脆,雞軟骨又夠香口,非常唔錯。

English Afternoon Tea Set $188

為呢個呃Like雀籠而來,的確幾吸睛。頂層有紫薯沖繩牛乳360布甸,紫薯味勁濃。仲有藍梅芝士餅、荷蘭忌廉卷、魚子醬吞拿魚麥包、巴馬火腿蟹柳卷、煙三文魚火龍果雜菜沙律杯。最後就係自家製真。紫薯蓉,的確非常香甜,口感幼滑。

花形士多啤梨窩夫配北海道3.6牛乳及綠茶雪糕 $68
甜品時間繼續非常吸引,新鮮即製,賣相好靚。窩夫外脆內軟,幾香蛋味,配上鮮甜士多啤梨,仲有好多果醬,而雪糕就夠晒凍,不錯。

埋單$462無加一,價錢合理。呢度環境真係一流,雖然處於工廈,但位置都好就腳。整體食物味道就正常,唔特別好味,但絕對唔差,賣相就加分不少,非常吸睛,一定可以喺FB度呃唔少Like。

小火焰韓式咖啡餐廳@觀塘

小火焰韓式咖啡餐廳@觀塘
7/5/2017 13:00

 煙鴨胸野菌汁刀切麵 $68

 

溶岩芝士炸雞麵包 $128

份量澎湃,一大個農夫包裝滿芝士,炸雞都成十件。炸雞本身好香脆,炸粉適中,大大啖肉,仲幾Juicy。芝士奶香味、忌廉味濃,沾雞真係一流。最正嘅係麵包吸滿芝士汁,非常好味。

 

朱古力布朗尼冰
睇就幾吸引,中間係牛奶冰,淡淡地,灑朱古力粉,布朗尼都算幾好味。

23/4/2017 12:30

整體質數非常唔錯,有驚喜,值得再試。

拉絲芝士香燒雞翼伴泡菜炒飯 $78
芝士好邪惡,俾得好多,仲好濃味,加上韓式醬酸甜帶微辣,送飯一流。雞翼大大隻,熟成度剛好,又有肉汁,非常唔錯。

豬手燴年糕伴韓式肉醬 $78
豬手件數都唔少,韓式醬甜酸好入味,辣得好過癮,好惹味。