炑八韓烤@沙田
炭烤鐵板L.A.骨飯 $68
賣相不錯，牛仔骨調味好惹味，熟成度剛好，入口都算幾腍，不錯。
泡菜豬肉炒粉絲 $48
幾欣賞泡菜夠濃味，辣度酸度適中，配五花肉片好入味，炒粉絲亦好香，不錯。
前菜有泡菜、大豆牙。加$6有梳打特飲，而且材料俾得足，值得加。
校園花卷 $75
青檸檬荔枝艾菲 $98
牛骨湯清潭麵 $88
脆味樂園 $108
叻叻豬炒飯 $88
烏卒卒 $68
卡邦尼年糕 $68
甜心鳳梨艾菲 $98
紳士先生 $62
水冷麵 $72
韓味炸雞伴大蔥沙津 $88
小火焰韓式咖啡餐廳@觀塘
7/5/2017 13:00
煙鴨胸野菌汁刀切麵 $68
溶岩芝士炸雞麵包 $128
朱古力布朗尼冰
睇就幾吸引，中間係牛奶冰，淡淡地，灑朱古力粉，布朗尼都算幾好味。
23/4/2017 12:30
整體質數非常唔錯，有驚喜，值得再試。
拉絲芝士香燒雞翼伴泡菜炒飯 $78
芝士好邪惡，俾得好多，仲好濃味，加上韓式醬酸甜帶微辣，送飯一流。雞翼大大隻，熟成度剛好，又有肉汁，非常唔錯。
豬手燴年糕伴韓式肉醬 $78
豬手件數都唔少，韓式醬甜酸好入味，辣得好過癮，好惹味。
26/3/2016 13:00
韓式咖喱豬扒飯 $42
烤豬肉飯 ($38)
5/8/2012 13:00
土瓜灣作為為食之城九龍城嘅伸延地區，近排越來越多好野食。睇住呢間仁沙洞開左咁耐，每次只見全場爆滿，都未曾成功入過去。難得今日行過見到有位，當然把握機會去試一試呢間出名平、靚、正、又地道嘅韓國餐。午市時間提供十多款套餐，價錢三十多幾蚊，有前菜仲有湯，加五蚊雞就跟埋汽水，抵。
烤豬肉飯 ($33)
前菜有泡菜同薯仔，泡菜味道比一般的濃烈，少辣帶酸味，幾開胃。而薯仔粉粉腍腍好鬆軟，香甜嘅醬汁已經完全滲入薯仔中間，超級入味。另加一碗蘿蔔清湯，清甜唔油膩，正好解辣。
主菜選擇左烤豬肉，份量一啲都唔少，半大碟白飯，伴上半大碟餸菜，絕對夠送飯。豬肉片用上唔少洋蔥、紅蘿蔔、椰菜等，加上韓式甜辣醬炒香，香味撲鼻，未食已經流口水。熱辣辣嘅豬肉甜中帶少辣，醬汁味道濃郁，配飯一流。
牛肉雜錦飯 ($35)
另一款選擇牛肉雜錦飯。飯送上時，職員已二話不說，起勢勁唧韓式甜辣醬，再出盡力狂撈。上菜加送撈拌食物，正係韓式料理常見嘅餐前表演。都係果句，食韓國飯最緊要識撈，有專人服侍，用最正宗嘅方法呈現，食物不其然變得更好味。從撈到亂晒龍嘅飯之中，見到材料都相當豐富，有唔少芽菜、紅蘿蔔、翠玉瓜，再加上牛肉碎同太陽蛋等。撈勻之後，所有材料同醬汁融為一體，夾雜香甜微辣嘅味道，真係好惹味。唯一不足之處係，飯似乎比較濕潤而且唔夠熱，不過夏天大熱天時都還好。
大食代@鑽石山
15/1/2016 13:00
3/2/2014 12:30
29/1/2012 13:30
26/12/2012 20:30
15/1/2016 13:00
喺鑽石山睇完得啖笑嘅早場特別肚餓，要立即醫下肚，午飯時間見邊度都人山人海，轉戰Food Court，快快脆搞掂。
@九里香
29/1/2012 13:30
鹽酥雞扒、肉燥竹筒飯、蚵仔煎、中式湯 ($40)
午餐睇落都幾豐富，鹽酥雞扒用鐵板上菜，但其實用作不大，雞扒又無配任何醬汁，「咋」一聲欠奉，乾脆用碟上其實問題不大。鹽酥雞扒外皮炸得幾脆口，可惜肉唔夠嫰，又無乜肉汁，味道亦唔夠香，好一般。蚵仔煎更加可惡，蚵仔煎竟然一粒蚵仔都搵唔到，只係簡單嘅香蔥煎蛋餅，被呃了。肉燥竹筒飯個竹筒亦係無聊之作，飯唔見得係用竹筒蒸，飯面嘅肉燥只係芡汁為主，肉碎少得可憐。真係難忘早前食過青衣一間台式小店，肉燥足料又好味，多到撈飯都撈唔晒。美食廣場呢間台式店，盛裝賣相好台式，但味道完全唔到位，四十蚊俾多左。
@韓國屋
29/1/2012 13:30
韓式泡菜豬肉炒粉絲、紫菜肉片湯 ($35)
美食廣場內每個檔口前都擺滿左食物模型，呢間韓國屋嘅料理賣相算係最唔錯。套餐附送一碗紫菜肉片湯，飲一啖已覺得係胡椒味道濃，少辣嘅味精湯，有幾片昆布紫菜，仲有嚡嚡地嘅豬肉片，用黎濕下口都可以嘅。
韓式泡菜豬肉炒粉絲份量超多，但並唔係新鮮即整，落單之後，阿姐裝起預先炒好嘅粉絲，再舖上足量嘅泡菜同豬肉就搞掂，所以等餐時間只需一分鐘，還好粉絲入口仲係溫暖嘅。韓國粉絲比我地所認識嘅粉絲粗身好多，入口非常煙韌，仲有些少黏口。呢款粉絲只用蘿蔔絲同青蔥等伴炒，炒得夠乾身，唔太油膩，而且調味好足夠，係甜甜地嘅醬油味道，其實唔加其他材料淨食都可以接受，加左泡菜同豬肉，當然更加惹味。大大塊豬肉片肉質比較實，幸好泡菜味道好濃，醃得夠入味，少酸中甜多辣，份量又夠多，連埋泡菜汁已經可以撈晒成碟粉絲，辛辣惹味，非常飽肚，真係大件夾抵食。呢間小店嘅韓式料理都算係咁，菜式選擇多，價錢合理，味道都唔錯，算係可以Book mark嘅平價韓國快餐。
一個美食廣場，有十幾個檔口，但並唔係個個檔口都賣美食。不過勝在喺同一個地方，收納左多個國家嘅料理，一行四個人已經可以叫到四款唔同口味嘅美食。情願又好，唔情願也罷，都可以互相分享，岩晒貪心人士。
@Pepper Lunch
26/11/2012 20:30
芝士黑椒牛肉飯 ($42)
牛肉香，芝士濃，香噴噴熱辣辣，的確好味。
@Pepper Lunch
3/2/2014 12:30
前篇參考
6/11/2011 韓國屋@旺角
食韓國飯要識撈
Hungry Korean@尖沙咀
25/12/2012 20:00
以快餐形式運作，搵食請排隊，用英文落單。
雞肉韓式壽司
配料夠多，有蛋、紅蘿蔔、菠菜、黃瓜，雞肉，好入味，加埋醬汁非常好味。
牛肉石鍋飯 ($42)
有牛肉、蘿蔔、芽菜、茄子、菠菜、洋蔥等等整整齊齊，石鍋要夠熱, 飯不能太濕太淋
韓式粉絲($28)
材料有菠菜、蛋、冬菇，紅蘿蔔。粉絲好煙韌，有芝麻香，甜甜地，好味。
辣炒年糕
偏辣口味，材料充足，年糕一般煙韌。