大阪燒餅

道頓堀御好燒專門店

6/1/2019 19:00
慶祝媽媽生日,帶佢去食啲特別野,有得玩有得食。
黎到大埔店,夜晚時份要等位,都等左成半個鐘。
自助燒烤自己煮自己食。一行四人,叫一個套餐再加幾樣野。
套餐包括牛油帶子、野菜盛合、泡菜魷魚、上級牛肋肉、雞肉。朋友仔又煮得幾好,材料樣樣都幾新鮮。
雜錦炒麵、廣島燒

有說明書俾你跟住做,先將材料放上鐵板,計時,煎完一面就另一面。最後再翻一次再等一陣,隨意加上醬汁、蛋黃醬、海苔及鰹魚碎等。

朋友仔一反,煎得似模似樣。其實兩款味道都差唔多,配料又差唔多,只係一個有麵一個無麵。

最後加左一個pancake甜品。薄薄一片,蛋味幾重。

成餐係好玩嘅,但係亦好趕,又要自己煮,煮完再食,90分鐘時間又有啲趕。不過不失為一個得意體驗,老人家好喜歡呢。