深圳皇廷廣場 28/4/2024 10:00
超人氣新店,日日排隊排到傻,咁岩今日係會展中心,就決定一早等佢開門。去到皇庭廣場冷氣都未開,已經有幾個人排隊等緊。落單先付款,等候新鮮即製,賣相不錯。
草莓抹茶舒芙蕾冰淇淋 29元﹕賣相好吸引,抹茶雪糕高高的,丰茶味香濃,好幼滑。舒芙蕾好鬆軟,蛋香味重,空氣感唔算太重,無幾耐就腍晒,感覺上雪糕更加好味。
雪覆草莓19元﹕賣相不錯,舒芙蕾係凍版,比較實淨,中間牛乳味忌廉好香好滑,士多啤梨微酸。
海鹽奧利奧18元﹕中間忌廉係咸味奧利奧,味道都幾濃。
舒芙蕾其實算鬆軟,蛋味可以,但其實無乜特別,反而雪糕仲好味。價錢的確平過香港好多既。
0 Comments