深圳Cocopark 酒吧街 28/4/2024 17:00

黎到Cocopark搵個地方食下午茶，近排熱推得意嘅甜品，俾佢吸引左一試。位置難找，原來要出左商場外再行番入去酒吧街。裝修得意，還好空間夠大連BB車都放到。

打卡免費送乳奶杯，酸奶味道正合心意，酸奶上仲有好多乾果脆米，非常好食。

先買一份點評午餐打底 49.9元

牛油果香茅雞腿波奇飯配普士蜜桃烏龍茶﹕賣相唔錯，雞扒大大塊，調味惹味香濃，肉質都幾滑。唔知波奇飯係乜，食落就覺得唔錯，飯比較黏身，好多醬汁味道，仲加左肉鬆、紫菜、芝麻等，非常好甜好味。飲品係有氣烏龍茶，幾特別。

招牌鹽酥雞 45元﹕係福田區好評No.1，的確賣相唔錯，炸雞外皮脆脆，炸粉薄，雞啖啖肉，有肉汁，味道微辣，好惹味。

一起躺平鴨 38元﹕慕名而來一試，的確十分可愛。酸奶上仲有好多小餅乾、軟糖，舖成可愛嘅圖案。