深圳印力中心 14/1/2024 11:00
黎到印力中心食個簡簡單單brunch，想試呢間生煎包好耐，環境闊落，都坐得幾舒服。
意式牛肉套雙人C餐﹕三拼牛肉小楊生蝦、雞絲湯麵、魚丸湯、特色炸豬排 57.5元
意式牛肉套餐A﹕牛肉小楊雙拼、油豆腐百葉包粉絲湯 28元
生煎包新鮮熱辣，包厚皮，煎得香脆，中間爆多汁，肉餡都好豐富，味道唔錯。
魚丸爽口彈牙。炸豬扒略為乾身少少。粉絲湯份量多，粉絲吸收湯汁。
鮮雞湯鮮肉小餛飩 11元：份量唔少，一大碗，小雲吞皮薄材料多。
打卡送里脊肉 (原6元)：啖啖肉一串，調味不錯。
尚點小籠包上海麵館＠沙田第一城
26／12／2021 12：00
三哥廚房擔擔麵菜飯專門店@馬鞍山
29/5/2016 19:30
31/5/2015 18:30
29/5/2016 19:30
招牌上海粗炒 $48
雞絲粉皮 $28
31/5/2015 18:30
從馬鞍山群組得知新港城又開左間上海菜館，原來真係好旺場，六點黎到已經要等位四十五分鐘。
紅油抄手 ($38)
賣相係唔錯既，雲吞外皮薄薄幾滑溜，內裡菜肉餡都幾多，都有肉汁。紅油汁係醬油加辣油再加蒜泥，味道偏咸辣，無乜甜味。
三哥排骨菜飯 ($48)
係此店招牌菜，排骨熱辣上檯，份量唔少，菜飯用雞公碗裝住，都算大碗，飯面加上醬汁三選一，要左鎮江汁。豬扒較薄，粉唔算厚，炸得幾脆，肉質好鬆化軟腍，味甜有肉汁，係唔錯既。菜飯用上珍珠米，煙韌彈牙，加菜都幾多，好送飯。鎮江汁酸酸地好開胃。
招牌擔擔麵 ($30)
湯底由花生、麻醬、辣油、香料等製成，麵上鋪著肉燥同蔥花。湯底略嫌唔夠濃郁厚實，有微花生香味。麵質好腍好滑溜，掛湯都可以。整體唔算特出。
鮮磨豆漿 ($10) 唔算太甜、有豆味，似係自家製。
尚點@沙田
5/6/2016 19:30
18/4/2016 14:00
5/6/2016 19:30
紅油抄手 $32
上海擔擔麵 $48
湯底不錯，麻醬味濃。
雞火炒飯 $58
材料有雞粒、火腿、蝦、蛋等，炒得幾乾身，入口咸香幾好味。
炒鱔糊 $78
家鄉芝麻餅配肉醬汁 $38
上海粗炒 $56
金網生煎包 $32
黎第一城食午餐，呢間似乎唔錯。午市有套餐，一個粉麵飯加小食，仲有野飲，好豐富。
雞扒擔擔麵 $59
雞扒幾酥，擔擔麵湯底夠濃，花生醬味重，不錯。
蒜香四季豆
涼拌粉皮
味道唔錯，坐得舒服，計埋加一價錢都合理。
20/9/2013 13:00
咖哩牛肉粉絲湯 ($18)
上海雙檔 ($18)
招牌生煎包 ($23)
皮薄、底脆、爆多汁、湯仲好鮮甜、肉餡味道亦唔錯。
全香港最好食嘅生煎包，推介!
忘不了拉麵小籠包@觀塘
18/8/2011 20:00
無啦啦，失驚無神，喺觀塘工業區多左個新商場，連谷歌地圖都未update得到個位置，團購已經出現。今次團購係東廣場嘅一間上海菜館，優惠價$98一個二人餐，有湯、有小食，又有粉麵，都幾吸引。
宋嫂魚羹
宋嫂魚羹呢個名成日聽，但一直都未試過宋嫂嘅手勢。呢個團購餐其中一個選擇有宋嫂魚羹，當然要叫黎試試。材料有魚肉絲、木耳、冬菇、竹筍等，名副其實一個酸酸地嘅芡湯，感覺似魚肉版嘅街頭碗仔翅。
蒜泥白切肉
一細小碟有四片鞋鞋地、唔夠腍嘅白肉，用厚身粉皮墊底，好彩粉皮質地還好，都算煙韌。但蒜泥醬汁少得可憐，而且香味欠奉，只係得蒜蓉嘅辣味。
醬汁蘿蔔
味道濃甜嘅醃漬物，蘿蔔好爽脆，第一次食有驚喜。
雪菜肉絲兩面黃
一碟非常、十分、極之多油嘅兩面黃，碟底嘅餘油應該可以炒多碟飯。用左咁多油，又唔覺得個麵炸得好香脆，反而係少少脆，多多硬。本身個麵又無乜味，淋面嘅加厚芡汁版雪菜肉絲，無啦啦加埋竹筍，有啲唔夾，味道麻麻。
糖醋魚片
魚塊都幾大塊，無雪味，但唔代表有魚味。肉質還好，但炸粉過厚。個醬汁酸酸甜甜，味道適中，但都係芡汁勁厚。
清炒河蝦仁
難得一碟較為深刻嘅小菜。幾十粒河蝦仁都係非常爽口彈牙，只用鹽輕輕調味，再加青蔥拌炒，好清爽嘅一個小菜。
小籠包
小籠包可算係上海菜館必點名菜。可能平時食開嘅小籠包質素已經唔錯，所以對比呢間，真係落差甚大。皮唔夠薄，頂尖接口位尤其甚硬。餡有肥豬肉，但肉質偏實，唔夠鬆軟。汁亦唔見多，湯味唔夠濃郁，亦無鮮味。平平地想試好野，不如去紅磡飽餃店俾$14食四粒，更皮薄、更多汁、更正啦。
宮庭桂花糕
一舊唔知乜糕，有桂花、有杞子，但無桂花糕嘅味道，微甜到可以用無味黎形容。
喺一個細商場，開間餐館唔大得去邊，眼見坐得迫夾、密質質都先得五、六十個位。一間細舖仔為左宣傳，要做團購，但出黎嘅成績都唔錯，喺兩個團購網一共賣左二千五百張。要喺短時間內，應付如此龐大嘅客量，相信小店都諗過度過。
眼見八點到場嘅客人全部都拎住團購券，感覺上小店暗地裡限制左團購客嘅入場時間，將團購客集中喺晚上八點後嘅時段先入座。咁師傅就可以採取大堆頭製作技術「瑪斯舖得純」，乜都唔洗諗，一次過製作十份相同嘅小菜。所以上菜快，客人唔洗等好耐，可以食完快快走，留位俾下家，實在聰明。
「瑪斯舖得純」唔係奉旨成功，因為大堆頭製作完成後，侍應密密送餐，餐檯有位當然唔客氣將小菜送上。但有感二人餐檯細細，唔夠位的話，食客們只好合作，盡快三扒兩撥收起幾碟，又或者左放右疊唧個位出黎，真係幾狼狽。
曾經有好幾次，御膳房嘅大佬炒菜仲快過傳菜， 即使侍應急步夾小跑，一手拎五盆，都追唔上廚房班大師傅嘅速度。原本新鮮熱辣嘅幾十碟小菜，只好放喺樓面櫃檯上，任由風吹雨打，風塵撲面。你係食客，你覺得點?
一間好似打緊仗嘅上海菜館，店名叫「忘不了」，意義重大喎。今次團購$98一份二人餐，質素、份量，感覺上係正價價錢，其實唔太抵。味道唔會忘不了，真係唔太好食，亦都唔想浪費Ram。依稀記得嘅係，呢間菜館嘅八點開始，會展開一場廚房大佬同樓面傳菜嘅速度爭奪戰。
29/7/2012 20:00
忘不了真係忘不了。今日剛好約埋朋友去觀塘，搵食艱難。依稀記得有間菜館位置較為不便，相信唔會多人。的確，唔洗等位有得直入。
蒜泥白切肉 ($48)
忘不了小籠包 ($32) 煎鮮肉鍋貼 ($32)
上海粉年糕 ($52)
上海生煎包 ($32)
