新蒲崗 24/8/2026 16:30
今日又來啟德食飯，臨走一定要行一行去新蒲崗外賣「天廚」回家做晚餐。
香煎羊扒滑蛋飯配燒汁 $78﹕呢款香煎羊扒滑蛋飯份量十足。羊扒煎得外層微微焦香，肉質軟嫩多汁且保留住羊肉特有嘅鮮香，完全唔會乾韌，調味到位，非常咸香惹味。滑蛋炒得嫩滑，帶有濃郁蛋香，半熟嘅蛋液加上粒粒新鮮帶子粒，海味十足，淋上惹味微甜嘅燒汁，超下飯。
海南雞飯配油飯 $58﹕賣相吸引，雞肉份量充足。雞皮爽滑油亮，肉質鮮嫩幼滑且完全唔柴，保留住雞肉嘅原汁原味。油飯粒粒分明，吸飽雞湯與香茅斑蘭嘅精華，油香撲鼻且乾爽不膩。最緊要有齊三款醬料，送飯一流。
手作煎墨魚肉餅喇沙湯米線 $62﹕喇沙湯香氣極度濃郁，濃稠惹味，椰香味足夠，帶輕微辣度，豆卜同米線索晒湯汁，味道超正。煎墨魚肉餅質地扎實彈牙，食得出中間仲有粒粒墨魚肉，爽口彈牙，口感豐富，家鄉味十足。
跟餐附送嘅熱飲，非常抵食。熱菜蜜甜度溫和潤喉，散發淡淡西洋菜香氣，清熱解膩；熱奶茶則茶香醇厚、奶味香濃，入口滑順回甘，保留傳統港式茶餐廳嘅濃厚風味。
全單$198，整餐外賣用料實在、性價比極高。
新蒲崗 23/7/2026 16:30
海南雞飯 $58: 招牌之作，份量幾足料。雞皮無乜脂肪夠爽口，肉質鮮嫩多汁，加埋三款靈魂醬汁，非常惹味。雞油飯粒粒分明，充滿油香，簡單滿足。
蒲燒鰻魚滑蛋飯 $65: 一大條鰻魚真豪華，鰻魚又夠厚肉，肉質肥美，魚脂香氣十足。半熟滑蛋，質地軟滑，最驚喜係加左粒粒貝柱仔，鮮甜彈牙，鮮味提升。特製日式甜燒汁撈飯就最正!
安格斯肉眼扒滑蛋飯 $65﹕巨型肉眼扒真抵食，熟成度剛剛好，西冷扒煎到剛好，切開中間仲有肉汁。揀左港式風味嘅濃郁蔥油汁，薑蔥味咸香，非常惹味。
新蒲崗 23/7/2026 14:30
全日早餐 $108﹕全日早餐真係超豐富，賣相又靚。炒蛋炒得極之滑溜，口感半熟夠軟綿。薯餅脆卜卜，煙肉煎得香脆，加上肉汁豐富嘅腸仔同清新沙律菜同火龍果，成個組合夠平衡。最正係一件窩夫焗到金黃微脆，入面鬆軟，配埋朱古力糖漿食落甜而不膩。
法式香草燒羊架拼虎蝦 $118﹕兩大件羊架份量十足，表面金黃微焦，中間粉嫩肉質軟淋，熟成度剛剛好，啖啖濃郁肉香，沾少少紅酒燒汁更加提味。虎蝦新鮮爽口，鮮甜味十足，意粉有牛油蒜香味，非常滿足。水準之作！
開心果麻糬提拉米蘇 $48﹕餐後追加自家製甜品，賣相勁靚，非常打卡able。面頭鋪滿咗香濃嘅開心果碎，每一啖都散發住濃郁嘅果仁香氣。傳統嘅手指餅吸滿咖啡，開心果忌廉層質感幼滑綿密。最驚喜係中間竟然藏住煙韌軟糯嘅麻糬，為原本軟滑嘅口感增添咗獨特嘅嚼勁。整體甜度拿捏得啱啱好，濃郁得嚟又唔會覺得膩，係完美嘅句點！
不得不讚呢度嘅榛子鮮奶咖啡 $16，正中心水。咖啡香氣濃郁，同香滑嘅鮮奶融合，口感綿密滑順。榛子糖漿陣陣果仁甜香，甜度啱啱好，冇蓋過咖啡本身嘅醇厚風味。慢嘆下午茶就最岩。
新蒲崗 19/4/2026 17:30
芝士雪花韓式炸雞：外賣自取，拎到返屋企仲熱辣辣。一份炸雞份量唔少，面頭鋪滿厚厚一層好似雪花咁嘅芝士粉，賣相已經贏晒。炸雞外皮炸得極之酥脆，雞肉依然保持到鮮嫩多汁，啖啖肉。芝士雪花粉味道鹹鹹甜甜，奶香同芝士味超級濃郁。炸雞仲有幾件炸韓式年糕，炸到外層微脆，咬落去極之煙韌軟糯，米香味濃。
炸紅豆鮮奶條：炸到金黃香脆熱辣辣，外層嘅炸漿薄薄地，咬開中間係軟軟半溶狀態嘅鮮奶凍，鮮奶餡超級軟滑，奶味極之香濃，仲夾雜住幾粒甜甜地嘅紅豆，有驚喜。外層脆卜卜，內裡滑溜溜，非常好食。
大角咀 21/3/2026 15:00
發現外賣韓式炸雞專門店
雞皮炸到金黃酥脆，炸粉唔算厚，入面嘅雞肉依然保持嫩滑多汁。我哋揀咗極受歡迎嘅「香蒜醬油」同埋「蜜糖芥末醬」雙拼口味。香蒜醬油咸香帶點微甜，加上濃郁嘅蒜香。而蜜糖芥末醬就充滿驚喜，蜜糖嘅香甜中帶住微微嘅芥末辛香，極之開胃。
每份炸雞仲有幾件炸韓式年糕，炸到外層微脆，咬落去極之煙韌軟糯，米香味濃。年糕表面沾滿惹味嘅醬汁，配埋熱辣辣嘅炸雞一齊食，外脆內軟嘅口感對比極之強烈，味道不錯。
跟埋飲品 $108
新蒲崗 16/11/2025 17:30
好耐冇食潮州菜，我經過新蒲崗發現呢一間老字號嘅滷水飯盒，非常吸引，買個外賣先。
滷水鵝肉飯 $58: 賣相靚仔，份量唔少。鵝肉肉質鮮嫩，肥瘦適中，仲有啖啖滷水咸香，帶有淡淡嘅香料味，配埋白飯一齊食，一流！配菜仲有好多芽菜，爽甜香脆。
滷水雜拼飯 $58: 呢個雜拼飯集合咗多款滷水精華，包括滷豬腸、豬腩肉、豬耳、墨魚等，每一樣都滷得入味。滷豬腸處理得非常乾淨，口感爽滑無腥味，墨魚煙靭爽脆，入晒味。
價錢唔貴，加$10仲有大大碟靚油菜，新鮮爽甜，仲加咗啲滷水汁，非常好味，送埋可樂就係一個非常豐富嘅晚餐。
新蒲崗 27/4/2025 18:00
慢煮手撕豬腩窩夫三文治 $116
新蒲崗人氣餐廳「窩子」嘅特色菜之一，單係睇賣相已經夠吸睛，實在太澎湃，材料勁豐富。金黃酥脆嘅窩夫係底部主角，邊緣輕微帶焦，散發牛油同蛋香，上面放上新鮮生菜同番茄外，再鋪滿手撕豬腩肉，加上一片烤得微焦嘅芝士，份量十足! 豬腩肉絲香嫩，煮得夠晒入味，味道酸酸甜甜，非常開胃。配搭嘅窩夫焗至金黃，中間非常鬆軟帶韌性，可惜蛋味略為不足。但確實有驚喜。
日式海鮮大阪燒酥皮薄餅 $188
賣相實在吸引，材料多到滿瀉。以日式大阪燒加上酥皮做成薄餅，的確有創意。直徑足足8寸酥皮，底層嘅酥皮薄餅脆到不得了，入口時酥香滿溢。薄餅材料呈現大阪燒嘅元素，滿滿嘅海鮮如魷魚仔、帶子粒同蜆肉，相當足料，一絲絲嘅紅生薑係日和風味來源。加上濃郁香甜嘅大阪燒醬同蛋黃醬，仲有會舞動嘅柴魚片，脆口紫菜碎，確確實實嘅大阪燒! 可惜酥皮同海鮮有啲分離散碎，食起來比較狼狽。
三重朱古力麻糬窩夫配朱古力雪糕 $84
呢款甜品絕對能得到朱古力魔歡心。窩夫外層烤得輕脆焦香，但中間原來隱藏住勁煙韌嘅麻糬，唔單止勁有韌度，仲有濃郁嘅朱古力香。窩夫上灑滿Oreo碎同大量朱古力醬，仲有大大個朱古力雪糕。雪糕除左朱古力仲食到棉花糖同果仁，應該係類似石板街嘅口味。用朱古力脆卷沾雪糕黎食，充滿童年回憶。
抹茶士多啤梨法式千層酥配士多啤梨雪糕 $82
千層酥上唧滿奶油，仲有大大粒士多啤梨點綴，糖霜灑喺酥皮上，高貴又精緻。輕輕切開酥皮，原來內藏抹茶醬。酥皮輕盈鬆化，牛油味香，酥而不膩。抹茶質感絲滑，帶著一絲甘苦，士多啤梨又新鮮又夠甜，多一份清爽。配搭嘅士多啤梨雪糕味道香濃，有天然嘅果香，不錯。
朱古力鮮奶咖啡 $44
有靚靚嘅拉花，表面可以見到輕柔嘅泡沫。咖啡嘅香氣散發出來，味道香純，加入牛奶令整體口感更加順滑，奶香味過後就飲得出微甜嘅朱古力味，平衡咖啡嘅苦味，品質相當高。
係舊區難得一見可以歇腳放鬆嘅小店，餐廳內放滿玩具、舊物，連枱椅都係舊時學校嘅產品，玩味十足。一班年青店員親切有禮，手法專業。食物有創意，賣相精緻吸睛，味道仲相當不錯。不錯的窩。
