by admin | 8 月 13, 2026 | Blog, 小食, 星馬菜, 紅磡
紅磡 13/8/2026 14:30
金記南洋冰室午餐非常抵食，份量足，味道唔錯。可加配小食，仲可以半價升級特飲。
無骨海南雞飯 $72﹕賣相不錯，切得整整齊齊，雞皮爽脆彈牙，皮下脂肪極少，肉質嫩滑多汁。附上嘅靈魂三色醬汁，包括惹味嘅薑蓉、酸辣嘅泰式辣椒醬同埋香濃嘅黑醬油，沾埋一齊食令雞肉嘅鮮甜層次更加提升。雞油飯粒粒分明，濃郁嘅雞湯同香茅香氣。份量十足，水準之作。
扣牌海鮮叻喇沙滲滲 $72﹕一上枱已經香氣撲鼻，湯底濃郁順滑，椰香味濃，帶有微辣同香茅，好惹味。配料豐富，有新鮮彈牙嘅大蝦、索滿湯汁嘅豆腐卜、魚片同埋水煮蛋。最特別嘅係麵底採用咗「滲滲」，即係將油麵同米粉撈埋一齊煮，雙重口感，吸晒精華，非常好食。
炸春卷 $20﹕春卷炸到外皮金黃酥脆，非常鬆化。內餡包滿咗豐富嘅新鮮蔬菜絲，包括爽脆嘅椰菜、甘筍等。隨春卷會附上一碟酸甜開胃嘅越式甜辣醬，沾少少黎食即刻中和咗炸物嘅熱氣。
椰汁珍多冰 $15﹕底部係香濃嘅椰漿同特製糖漿，濃郁嘅椰香同奶香完美融合，入口順滑無比，甜度亦都控制得啱啱好，入面仲有煙韌嘅珍多條，增添口感。
蝶豆花什果特飲 $11﹕飲品呈現出迷人嘅漸層藍紫色，同什果嘅橙色，視覺效果滿分。加入咗有氣梳打水之後，飲落口感清爽刺激，充滿微氣泡嘅爽快感。入面加入咗大量新鮮嘅什果粒，酸甜滋味，透心涼。
全單$190，值得再來。
by admin | 7 月 24, 2026 | Blog, 小食, 紅磡, 麵食
紅磡 24/7/2026 20:00
茄湯清甜魚飯 $79﹕蕃茄湯底鮮甜濃郁，又夠足料，超大一碗，超多魚肉，魚肉肉質結實滑嫰，吸滿茄湯精華後更顯鮮甜，將成個白飯放入，自製湯飯，成個配搭清新開胃，食完暖笠笠又舒服。
三鮮雞湯米線 $58﹕ 雞湯底熬到奶白香濃，飲落充滿膠質但又唔會油膩。米線口感爽滑彈牙，唔會過淋，配料非常多，款款都夠晒入味，最好食係小酥肉，豬肉肥瘦適中，肉質嫩滑之餘仲有豐富嘅肉汁，外層炸粉吸埋雞湯非常好食。
秘製雞翼 $22﹕一上枱已經聞到陣陣香味，雞翼炸到外皮金黃香脆，入面嘅肉質依然嫩滑，仲有豐富肉汁，加少少孜然粉，惹味十足，甜中帶微辣。
酸辣小木耳 $18﹕木耳食落爽脆彈牙，酸辣汁嘅調味啱啱好，酸度醒胃，辣勁溫和唔會嗆喉，蒜香同辣香非常平衡，冰涼爽口，又夠開胃。
by admin | 3 月 22, 2026 | Blog, 港式, 紅磡, 美食廣場, 麵食
黃埔 22/3/2026 12:00
以往都幾鍾意呢間牛骨湯麵，原來出左套餐，一款麵+小食+飲品，非常抵食!
牛筋牛腩肥牛手工麵 $78﹕餸料勁多，牛筋炆到極之軟腍入味，入口即化，充滿骨膠原。牛腩大大件，啖啖肉，肥牛肥瘦適中，煮得入味。最抵讚係佢哋個牛骨湯底，清澈，入口醇厚鮮甜，飲完都唔會覺得口渴。手工麵煙韌彈牙，又掛湯。
牛舌、炸雞扒手工麵 $72﹕份量十足，厚切
牛舌軟嫩得嚟又帶點爽脆，即炸嘅雞扒炸到金黃酥脆，肉質嫩滑多汁。
小食揀左A5和牛慕絲甜品，賣相超得意，神級還原，紅白相間嘅雪花紋理極之逼真，望落完全係一塊頂級嘅生和牛，打卡一流。原來係士多啤梨慕絲，質地輕盈，入口即化，味道都相當濃郁，甜度啱啱好。
粟米豬肉小雲吞 $48，細細粒，皮薄料多，粟米超甜，小朋友最鍾意。
by admin | 9 月 27, 2025 | Blog, 中菜, 港式, 紅磡, 美食廣場, 麵食
黃埔 27/9/2025 14:00
沙茶鮮牛肉刀削湯麵 $56﹕最特色係濃郁嘅沙茶湯底，味道夠晒濃郁，甜中帶鹹帶輕微辣味。牛肉片切得厚薄適中，口感嫩滑，沾滿茶醬，香氣四溢。刀削麵煙韌有嚼勁，厚度均勻，充滿彈性。湯底係呢碗麵嘅靈魂，經過長時間熬煮囓牛骨湯，牛味夠香但又唔覺油膩，好清爽。
牛筋腩刀削湯麵 $56﹕另一款揀左最經典嘅牛筋腩麵，份量超多，最鍾意牛筋非常軟糯嘅，膠質豐富。牛腩亦都好腍滑，牛味濃郁。
一碗麵加$12有一枝水果冷泡茶﹕青蘋果冷泡茶酸酸甜甜，茶底幾甘香，夠解渴。另一款白桃冷泡茶仲正，白桃味香，酸甜適中。
炸邪惡滷豬大腸 $38﹕小食都有好多款，見到好邪惡嘅炸大腸好吸引，出面比較少見。大腸炸得香脆，脂肪適中，仲有膻味但唔腥，加左少少椒鹽，惹味。
烤地瓜球 $26﹕六大粒圓碌碌，炸得脆卜卜，中間原來係奶黃餡，微甜，不錯。
by admin | 8 月 7, 2025 | Blog, 外賣, 甜品, 紅磡, 麵包
紅磡 7/8/2025 16:00
超開心，最愛嘅包包品牌Friendship Market / Fresh Fresh越來越多分店，仲要間間都咁方便。
迷你爆漿生冬甩 $12×4﹕紅磡店有新Product，超可愛嘅冬甩BB。有四款口味當然試勻佢! 冬甩粒粒圓轆轆，口感非常鬆軟，好香嘅牛油味，包包外面沾滿砂糖，甜得黎脆卜卜，根本就係高級版沙翁。每款冬甩加左唔同味道嘅醬料。Oreo朱古力甜中微苦、士多啤梨清新酸甜、開心果滿滿堅果味、Lotus焦糖味道勁香甜。
麻薯QQ 布丁 : 最鍾意呢款麻薯QQ布丁小巧可愛，可以食到煙靭嘅麻糬，仲有入口即化超級滑嘅布甸。必試紅磡店限定豆乳同斑斕。豆乳香氣自然純淨，豆味芳香，濃郁細膩，味道清甜。而斑斕香甜清爽，仲有椰絲碎，夏日風情！藍莓酸酸甜甜，依然係至愛，小朋友最鍾意朱古力味。
開心果鬆鬆酥 $58: 本店銷量第一位開心果酥好吸引。外皮係中式酥餅層層堆疊，超級鬆化，中間係爆多開心果碎，有粒粒堅果沙沙質感，真材實料，甜度適中，開心果味道勁香帶果仁微鹹味，非常特別。
豆腐芝士蛋糕$38: 細細個非常可愛，口感輕盈，味道清新，有自然嘅豆香同芝士奶香完美融合，清淡而不膩口。
抹茶麻糬小蛋糕$25﹕賣相靚，鬆軟蛋糕層層堆疊，蛋糕帶淡淡嘅抹茶香氣，口感鬆化。中間係煙韌嘅麻糬，米香味濃，抹茶嘅微苦同麻糬嘅淡甜完美融合，仲有清淡嘅鮮忌廉，層次豐富。
特濃朱古力麻糬小蛋糕$25﹕外層係濃郁嘅朱古力蛋糕，入口即感受到濃厚嘅可可香氣，質地鬆軟，中間有煙韌嘅麻糬，平衡咗朱古力嘅濃重味道。最特別係頂層兩層兩大粒Brownies，味道勁香濃，味道豐富得嚟又唔會過膩。
麻糬包包 $28﹕外層係鬆軟嘅麵包，已經有陣陣藍莓香味，咬開之後就會發現內藏嘅驚喜，有煙韌嘅麻糬同酸甜嘅藍莓餡。藍莓嘅果香同微酸完美平衡咗麻糬嘅淡甜，酸甜又清新，令人一試就愛上！
朱古力脆脆雪媚娘 $22﹕外層係薄薄嘅糯米皮，柔軟又煙韌，輕輕一咬就感受到內餡嘅驚喜。內層係濃郁嘅朱古力忌廉，滑溜香濃，仲夾住一層脆脆嘅朱古力碎，帶嚟意想不到嘅口感對比。糯米皮嘅柔軟同朱古力脆片嘅酥脆喺口腔中碰撞，真係齒頰留香，令人一試就停唔到口！呢款雪媚娘唔單止味道豐富，仲有層次感十足嘅口感。
by admin | 12 月 8, 2024 | Blog, 佐敦, 四川菜, 小食, 港式, 紅磡, 美食廣場, 酒店, 麵食
佐敦逸東酒店 8/12/2024 17:30
估唔到逸東酒店而家開咗個美食廣場，選擇相當多。
沙茶鮮牛拌麵 $57
濃郁嘅沙茶湯底帶香辣味，滲有少少甜中帶鹹。牛肉片切得適中，口感嫩滑，吸曬湯汁嘅香氣，麵條煙煙韌韌，厚度十足，拌麵手仲有好多唔同嘅配料。
汁煮肥牛湯麵 $54
牛骨湯香味濃郁，滑潤口感，暖胃又滋補。肥牛片肉質嫩滑且帶有少許油脂香氣，麵條煮得彈牙，吸收晒湯底濃郁嘅精華。
粟米豬肉雲吞 $48
雲吞嘅餡料非常實在，再加上清甜嘅粟米，好juicy嘅感覺，薄薄嘅雲吞皮包住。配牛骨湯，味道相當不錯。
黃金炸雞球配蜜糖芥茉醬 $38
炸雞大大件，唔算油膩，蜜糖芥末醬甜甜酸酸味道不錯。
白桃冷泡茶 $12
加配飲品估唔到不錯，白桃味夠香，茶味平衡適中，味道不甜。
紅磡黃埔Aeon 1/9/2024 12:00
AEON美食廣場位置相當多，都幾多嘢食，今日揀呢間牛味非常香濃嘅店舖。
慢煮牛脷熱伴刀削麵 $57 好少地方有得食牛脷，呢度嘅牛脷份量相當多，口感不錯。刀削麵質地厚實，煙煙韌韌，揀咗招牌蔥油，醬汁甜甜，香蔥味濃郁，撈麵不錯。
沙茶鮮牛熱伴刀削麵 $57 鮮牛肉勁多，沙茶醬濃郁，少少辣啱啱好。呢款揀咗胡麻醬，撈埋青瓜同蘿蔔，非常之清爽。
粟米豚肉小雲吞 $48: 一大碗淨雲吞有20粒咁多，味道不錯，小朋友最啱。值得一提揀咗牛骨湯非常清爽，淡淡牛骨香味。
蒜泥白肉 $38 ：賣相不錯，白肉上面鋪咗厚厚一層蒜泥，加上醬汁同埋辣油，非常開胃。
埋單啱啱好$200 ，抵食又飽肚。
