慈雲山 17/5/2026 11:00
鑽石山富苑金閣最吸引嘅地方，保留到傳統老牌酒樓裝修，仲係大排檔自取點心，非常有懷舊風味，仲有幾十年經驗嘅老師傅主理。
點心出品超新鮮，上枱時熱辣辣，賣相不錯。燒賣大大粒，入口彈牙，仲有大大隻鮮蝦。小朋友最鍾意鵪鶉蛋燒賣。蝦餃外皮透薄，蝦肉爽口鮮甜，啖啖蝦肉。菜苗餃，加上蔬菜，更加香甜。鮮竹卷腐皮吸滿醬汁，內餡豐富入味。
排骨肉質嫩滑，帶點蒜香同豆豉香，簡單但好食；鳳爪夠腍，醬香濃郁。仲有出邊少見嘅雞球大包，包皮鬆軟，餡料夠多。糯米雞糯米夠黏糯，入面餡料亦夠味。
叉燒酥外層酥皮鬆化，叉燒甜鹹平衡。雪山脆皮麻糬芝麻包算係新式包點，非常驚喜，外層脆脆，入面有麻糬煙韌，加上芝麻餡香濃流心，口感層次豐富。
鑽石山 5/8/2025 14:00
黑雨之下賺一日休息，荷里活廣場搵食，木質裝修幾靚，中間仲有一棵大樹，幾舒服可以慢慢HEA。
柚子海鹽烤西班牙伊比利豬鞍 $208﹕賣相靚，西班牙伊比利豬鞍份量十足。豬鞍燒得外皮金黃，外層刷上一層薄薄嘅柚子蜂蜜，陣陣香甜。豬鞍外皮微微焦香酥脆，煮得剛好熟成，中間肉質肉色粉嫩均勻，啖啖肉汁。肥瘦適中，少量脂肪所以口感非常嫰滑。只係簡單用鹽調味，突顯豬肉本身嘅香甜，原汁原味。仲有大量薯蓉，綿密香滑，加幾粒甜甜嘅粟米，非常飽足。
意式海鮮薄餅 $138﹕賣相有驚喜，材料超豐富，每一片披薩鋪滿新鮮嘅海鮮料。餅皮烤得微焦，薄薄地口感酥脆，有啲係餅乾口感，夠晒香口。薄餅用料可謂誠意十足，有飽滿多汁嘅蝦仁、鮮甜蜆仔肉、Q彈嘅魷魚片，大量超甜粟米。薄餅基底搭配係番茄醬，酸中帶甜，而且芝士份量俾得足，足夠做到拉絲效果。薄餅烤至微焦，仲有煙燻嘅味道，相當不錯。
脆炸洋蔥圈 $58﹕簡單嘅小食但擺盆不失精緻，份量超多，足夠同朋友仔Happy Share。金黃色外皮超酥脆，中間係甜甜嘅洋蔥。洋蔥圈炸得火候恰到好處，洋蔥仲保留著清甜鮮嫩，仲有洋蔥原汁原味，又唔會太過油膩。最好就係沾上酸酸甜甜嘅番茄醬。
鑽石山 10/9/2023 12:00
今日嚟到鑽石山分店，呢一間分店俾大角咀簡單，但係都有可愛雞蛋型嘅卡位。
吉列豚三文治配薯條 $98
賣相非常之吸引，大大件三文治用紙包住成粒糖咁，入邊係鬆脆嘅豬扒，加上好多蔬菜同埋醬料，味道不錯。
親子丼 $78
雞肉大大件，份量相當多，反而雞蛋變咗配角，還好有足夠嘅醬汁可以撈飯。
芝士雞漢堡兒童餐 $88
鑽石山 27/11/2022 12:00
至尊安格斯牛肉漢堡，非常之澎湃，麵包給鬆軟，中間嘅漢堡扒充滿肉汁，仲有濃郁嘅芝士。配菜仲有脆卜卜嘅薯條同沙律。
卡邦尼意粉，配料都非常多，忌廉味奶味幾香濃。
朱古力布朗尼窩夫買相實在太靚，窩夫上邊仲有一隻小蝴蝶裝飾。份量都好多，朱古力味幾香濃，入口仲暖暖地，BB加埋凍冰冰嘅雪糕，口感一流。
Antoshimo Cafe ＆ Bakery
20/3/2022 15:00
17/4/2017 18:00
蜜糖芥末豚梅肉醬油豚骨炊飯
沖繩紅芋炸包