深圳南山 1/2/2025 15:00
用點評發起積分換咗兩份下午茶。
「呆會」個名改得真係好，顧名思義就係想你喺度發吓呆、放空吓。
巴斯克芝士蛋糕賣相吸引，表面焗到焦糖色，上面唧左忌廉，仲灑左粉紅色嘅糖粉，隻碟都好靚。蛋糕芝士味香濃，但較為冰感實在。
黑森林蛋糕賣相非常精緻，感覺到海綿蛋糕非常濕潤鬆軟。入口先係濃郁嘅黑朱古力味，帶少少苦，完全唔會死甜。最驚喜係中間夾心嘅車厘子醬同果肉，酸酸甜甜。
配搭嘅凍咖啡拿鐵亦都好出色。分層做得好靚，打卡一流。攪勻之後飲，奶味香滑得嚟唔會蓋過咖啡嘅風頭。佢哋用嘅豆似係帶有堅果風味，飲落去有種烘焙嘅焦香，回甘味幾好。
熱拿鐵拉花做得好精緻，奶泡打得夠綿密厚實。咖啡帶堅果香氣，同牛奶嘅甜味融合，入口順滑。
深圳卓悅中心 7/12/2025 11:00
點評用霸氣積分換取呢一個套餐，非常抵食，味道都不錯。
安格斯肥牛壽喜鍋，配料非常豐富，湯底甜鹹適中，牛肉片煮十秒已吸滿甜甜嘅醬汁，口感滑嫩，入口即化。火鍋中仲有豆腐、大白菜、金針菇等蔬菜，都係索滿湯汁，天氣微涼時享用非常溫暖。
現烤鰻魚炒飯賣相不錯，醬燒鰻魚香氣撲鼻而來，米飯炒得粒粒分明，乾爽而唔油膩，均勻裹上醬汁，每一口都充滿鑊氣。主角蒲燒鰻魚肉質肥美軟嫩，搭配香鬆和蔥花，非常好味。
充滿玩味嘅壽司taco，將酥脆嘅紫菜做成taco餅皮，包住壽司飯、大量青瓜同蟹柳同吞拿魚，紫菜皮非常香脆，米飯軟糯，不錯。
吉列豬扒揸得香脆，雖然係預製品，但係條味不錯
芒果沙拉水果非常多，除咗芒果仲有哈密瓜等等，清爽鮮甜。
三文魚海鮮湯魚香味十足，非常鮮甜，有大大片三文魚魚肉同埋蘿蔔，足料。
上梅林 23/11/2025 16:30
點評抽到兩份栗酥餅，原來每份都有十件，非常抵。表面經過烘烤，均勻嘅金黃色澤，一層層嘅酥皮包住香甜嘅內餡，外層酥皮嘅輕盈酥脆，唔會覺得油膩。味道非常多，板栗鹹味、板栗甜味、抹茶、芋泥、紅豆等，內涵口感綿密，都食得出每種唔同味道，非常飽肚。
深圳東門 23/11/2025 12:00
橙V點評價只需要112元
湯底揀左五指毛桃湯，湯頭清甜中帶有一絲椰香，藥材的香氣濃烈鮮味，暖胃又舒心，特別適合寒冷的天氣。湯底的層次感豐富，既有中藥材的甘甜。
雞肉一絲絲，雞皮真係脆脆哋，雞肉都非常爽口，但係有甜甜嘅湯底味。
肥牛片涮肉質鮮嫩多汁，入口即化。炸腐竹吸收晒湯底精華。最後加個韓國公仔麵，蔬菜吸滿湯汁的味道，非常好味。價錢平，品質還好。
深圳國貿站 23/11/2025 10:30
點評抽到一人餐，香辣雞腿中國漢堡、炸雞塊、可樂。即場打卡送多一份細炸雞。
炸雞漢堡賣相就的確麻麻哋，包表面烘到有少少脆，入面都又夠鬆軟，主角塊雞扒外皮脆，雞肉仲好滑嫩多汁，醃料嘅味道都好夠，鹹香得嚟帶少少黑椒味，好惹味。配埋新鮮爽脆嘅生菜同埋甜甜酸酸嘅沙律醬，味道就算不錯！
美團外賣 29/10/2025 19:00
外賣都保持質素， 十分不錯。
深圳in城市廣場 18/5/2025 17:30
小楊生煎 19.5元﹕小楊生煎嘅生煎包絕對係一大驚喜，令人回味無窮！每隻生煎包個底煎到金黃香脆，但頂部依然保持柔軟。包皮唔算太厚，口感彈牙。咬開一啖，最令人驚喜嘅係多到爆汁，肉汁仲熱辣辣，非常澎湃。肉餡扎實，充滿濃郁嘅肉香味，味道甜甜的，用料非常足。高質，性價比極高!
小楊鮮肉小籠 15元﹕小楊鮮肉小籠就係細膩版本。細細粒嘅小籠包白白靚靚，皮薄晶瑩，隱約可以看見內裡豐富嘅鮮肉餡料，賣相已經非常吸引。輕輕用筷子夾起，感受到包皮嘅堅韌同彈性。細細粒可以一啖一啖，又係一咬爆汁，湯汁濃郁而鮮甜唔會油膩。內餡充滿豬肉甜香，沾少少酸醋，味道更加清爽，完完全全停唔到口！
外賣都咁高汁，平靚正！
崗廈北深圳之眼 17/11/2024 17:30
蟹粉生煎雙人餐 31元
套餐包括一份蟹粉大蝦雙拼及魚丸湯。今期主題限定蟹粉生煎包，上枱新鮮熱辣，外皮金黃鬆脆，脆卜卜，中間有豐富嘅肉餡仲有蟹粉，味道不錯。另一款內餡有大大隻大蝦，好豪華。魚丸非常爽口彈牙，味道不錯。
小楊生煎四隻 12元
大眾點評優惠$12可以食到四隻小楊生煎包，好抵食。新鮮熱辣打開包皮，肉汁流晒出嚟，肉餡甜甜的，非常不錯。
深圳印力中心 14/1/2024 11:00
黎到印力中心食個簡簡單單brunch，想試呢間生煎包好耐，環境闊落，都坐得幾舒服。
意式牛肉套雙人C餐﹕三拼牛肉小楊生蝦、雞絲湯麵、魚丸湯、特色炸豬排 57.5元
意式牛肉套餐A﹕牛肉小楊雙拼、油豆腐百葉包粉絲湯 28元
生煎包新鮮熱辣，包厚皮，煎得香脆，中間爆多汁，肉餡都好豐富，味道唔錯。
魚丸爽口彈牙。炸豬扒略為乾身少少。粉絲湯份量多，粉絲吸收湯汁。
鮮雞湯鮮肉小餛飩 11元：份量唔少，一大碗，小雲吞皮薄材料多。
打卡送里脊肉 (原6元)：啖啖肉一串，調味不錯。
