by admin | 9 月 13, 2026 | Blog, 深圳, 甜品
深圳新洲 13/9/2026 14:00
點評中獎總共四份蛋糕下午茶。小店位置偏遠，距離地鐵站有一段路程。裝修不錯，幾有風味，有少量枱可以堂食。蛋糕款式多，每份已經係外帶包裝，乾淨企理。每份一件蛋糕，一件冰淇淋泡芙。
迪拜巧克力奶油蛋糕﹕成個蛋糕面頭鋪滿開心果脆絲，見到中間係朱古力蛋糕底層層夾住翠綠色嘅開心果奶油，深啡同鮮綠撞埋一齊非常搶眼。開心果脆絲好似威化咁爽脆，仲有一層可可簿脆，可可嘅微苦同開心果嘅堅果香氣喺口入面爆發，甜度岩岩好，食完一件都完全唔覺得膩。
小山園抹茶蛋糕﹕蛋糕抹面呈現好純粹嘅草綠色，質地平滑細緻，層次分明嘅朱古力蛋糕抹茶鮮奶油層層相間，蛋糕食落鬆軟綿密，抹茶鮮奶油入口即化，抹茶甘醇微苦，味道厚濃，中間仲有一層栗子泥，味道微甜，為蛋糕帶一點甜，味道不錯。
馬斯卡彭提拉米素千層蛋糕﹕一層可可鮮奶油一層餅皮整齊疊咗幾十層，面頭厚厚鋪滿一層深色法芙娜可可粉。薄皮帶點煙韌，夾層嘅意大利軟芝士忌廉幼滑順喉，一軟一韌配搭得好好。中間仲加左沾滿咖啡嘅手指餅，芝士味濃郁得嚟好輕盈，苦甜平衡，層次感豐富。
焦糖秋栗蛋糕﹕頂層淺啡色栗子泥，最上面放咗成粒油亮金黃嘅糖漬栗子，暖色調賣相好有秋日氣息。栗子蓉口感粉糯綿密，味道濃郁但唔會太甜，海綿蛋糕鬆軟濕潤，一啖食到兩種唔同嘅軟熟質感。焦糖嘅微焦微苦咁啱中和咗栗子嘅厚實甜香，堅果香氣好濃，甜而不澀。超級好食。
冰淇淋泡芙一啖咬落忌廉爆漿，勁!
by admin | 9 月 6, 2026 | Blog, 外賣, 深圳, 飲品
深圳in城市 6/9/2026 13:30
霸氣積分換購。蜜李桃桃酸奶昔簡直是消暑神器！份量超足，粉嫩賣相就讓人食慾大開。吸管一插到底大吸一口，濃稠冰涼的酸奶順滑入喉，酸甜比例拿捏得恰到好處。酸奶的天然微酸完美中和了桃肉的甜，既解膩又富飽腹感，絕對是果茶控和乳品愛好者必衝的夏日天花板！
by admin | 9 月 6, 2026 | Blog, 小食, 拉麵, 日式料理, 深圳
深圳燕南 6/9/2026 12:00
點評零元探店兩份，有拌麵配餃子，非常豐富。
招牌戰鬥拌麵：面頭鋪滿燒雞肉同紫菜，啲醬汁顏色深邃油潤，均勻咁掛滿每一條麵條，醬汁濃郁得嚟唔會膩，鹹鮮之中帶有微甜。麵條咬落去煙韌彈牙。仲有好多蔬菜、子薑、蘿蔔等，加入生雞蛋和豉油，非常惹味。
雞軟骨餃子：餃子煎到金黃色，每隻都包得飽滿挺身，排列得好整齊。餃子皮外脆內軟，咬落去裡面嘅雞軟骨提供咗豐富嘅彈韌嚼勁，層次感十足。雞肉餡料鮮甜多汁，即叫即整熱辣辣。
低溫慢煮豬肩肉拉麵配日式餃子及中華沙律 30元：額外加購橙V優惠套餐，真係勁超抵。鰹魚湯底鹹香味濃。兩大塊粉嫩嘅低溫慢煮豬肩肉，半熟嘅溏心蛋同紫菜，賣相極之誘人。豬肩肉質地軟嫩到入口即化，拉麵細身，順滑掛湯。日式餃子非常飽滿，皮薄加上菜肉餡，非常好食。仲有中華沙律。
by admin | 8 月 9, 2026 | 2026廣州生日之旅, 外賣, 廣州, 甜品, 麵包
9/8/2026
09:00 到達羅湖，先去廣深城際列車電子售票機買電子票，最後成功買到C7026班次，09:35開。一等座只需90元，兒童仲半價45元，六歲以下免票，但係電子系統加唔到，惟有排番人工口查詢。應該係系統問題，連櫃台都加唔到，職員指示反正免票，直接帶小朋友入閘就可以。
買完票落樓下買個快早餐。安檢嚴格，但流程都好快，9:25已經入到閘內候車區。準點開車，由於呢班有中途站，所以人流名顯較多，霸唔到多一個位，如果有得揀，一小時直達快車更佳。
華北川
麻薯布丁 19.8元/2個，份量唔算大，麻薯濕潤煙韌，布甸奶香味勁濃，口感奶滑，入口即溶。
另一款提拉米蘇，係打卡寫評免費送，一件都二十幾蚊，真係非常抵寫。份量大，面層均勻撒滿微苦嘅可可粉，中和咗馬斯卡彭芝士嘅香濃奶香。蛋糕有咖啡味，朱古力味，餅底仲有朱古力脆脆，層次極之豐富。
11:00 未夠就順利到達廣州東，先去全季酒店放低行李，可以使用自助寄存行李櫃，非常方便。
第一站係萬勝圍，地鐵11號線到琶洲，轉8號線繼續。兩線車站隔得非常遠，出閘後要戶外行一段路再安檢入閘。車程大半個鐘，大約十二點到達萬勝圍。
by admin | 8 月 2, 2026 | Blog, 外賣, 深圳, 飲品
深圳Coco Park 2/8/2026 19:30
點評霸氣積分換。
Lemon Tree 柴火糯米奶冰﹕一飲落去，首先會感受到酸奶底極之清新柔滑嘅口感，跟住係檸檬帶來嘅微微酸甜同清香，最驚喜嘅係入面加入咗軟糯適中、一啲都唔黏牙嘅迷你糯米粒，令成杯嘢飲除咗順滑之餘，仲多咗一層咬口。成個組合出奇地夾，既有酸奶嘅濃郁，又有檸檬同糯米嘅清爽，又解渴又清新。
by admin | 8 月 2, 2026 | Blog, 外賣, 深圳, 飲品
深圳大劇院站 2/8/2026 15:00
點評霸氣積分換。
馬達加斯加香草籽拿鐵 ﹕紙杯可愛又暖笠笠。一來到已經聞到陣陣溫潤嘅天然香草香氣，熱辣辣飲落去，濃郁嘅濃縮咖啡同綿密嘅熱牛奶完美融合，咖啡果但香味重，口感極之順滑。最迷人嘅係馬達加斯加香草帶來嗰種自然甜香，不另加糖都已經好好味。
