水貝IBC 3/12/2023
朱古力麻糬 17.9
麻糬布甸 19.8 麻糬腍左，但雞蛋布甸唔甜，幾滑。
崗廈北 22/10/2023
食過好嘢就食得比較多，今次買肉鬆小貝，一睇個賣相已經唔討好，肉鬆非常之少，仲有啲禿頭。肉鬆比較濕潤腍身，蛋糕比較實淨，醬汁適中唔算特別多。以個人鍾意重口味的話，鮑師傅係明顯好食好多。
傳說中嘅豆乳蛋撻都係名過其實，只係一般酥皮蛋撻上有豆乳味嘅類似布甸，再灑一啲糖粉，淡淡的豆香，微甜，但係唔覺得有咩特別。
最好食反而係最普通嘅朱古力麻糬，口感煙韌，朱古力味非常濃郁。
皇庭廣場 14/5/2023
第一次是肉鬆小貝，肉鬆非常之多中間有沙律醬，非常芝味。唔覺意買多咗嘅角色麻糬，口感煙韌，芝士味有芝士味濃郁，朱古力亦濃，仲有類似提子略帶微酸，非常好食。
深圳海岸城 12/11/2023 13:00
招牌幼茶系列+珍珠 22元 + 2元
份量相當大杯，茶底係紅茶，味道比較濃烈，奶量唔算多。加2元添加班蘭珍珠，口感煙韌，有淡淡椰香味。整體配合幾好，但並非本人鍾意嘅奶茶。
深圳海岸城 12/11/2023 18:00
紫米椰漿小鼓 11元：包本身樂軟熟，奶味香。中間係切切實實嘅紫米椰露，黑糯米黏口煮得爛，椰漿杰厚身微甜，不錯。
黃小米弓我鼓 9元：中間係黃色小米，微甜。
咔咔福氣肉鬆麻糬蛋卷 12元：蛋卷皮厚身似華夫皮，脆卜卜，蛋味香，包住豐富肉鬆海苔帶微辣、中間仲有大大件麻糬，煙煙韌韌，奶香味濃。非常驚喜。
腸仔包 10元：點評贈送，大大隻，賣相不錯。
美團外賣@海岸城 12/11/1023 18:00
包裝相當唔錯，只係一個膠袋，加上非常厚身嘅錫紙兜，摸上手直頭辣手，成個飯返到嚟香港仲暖。
其中一個係蠟腸排骨窩蛋煲仔飯 （25元），估唔到臘腸有咁多，舖滿飯面，味道幾甜，排骨細細粒，但係非常夠味，蛋略嫌焗得太耐熟晒太實。仲加上好多粟米，最驚喜係煲底真係有飯焦。
另一個係雞肉牛肉飯（22元），兩款肉味就都差不多，無乜特別。
份量唔少，四十幾埋單抵到爛。
22+25+打包4-紅包5= 46
深圳后海匯 12/11/2023 16:00
小店係一個非常之冇人去嘅商場，有幾非常矮身嘅露營枱椅，主打做外賣。
叫咗兩份厚蛋吐司三文治加小食，賣相十分討好，材料非常澎湃，多到滿瀉。
蟹柳魚子醬、薯條、咖啡套餐 36元 + 25元
其實係非常之大件嘅蟹柳炒蛋，蛋非常滑，蟹柳都好多，上邊仲有一大堆飛魚子，口感豐富，充滿日式風味。吐司本身牛油味好香，仲加咗唔少生菜同埋沙律醬，估唔到咁驚喜。薯條都係新鮮即炸，粗身，啖啖肉。
豪大大雞扒 29元
雞扒調味非常之濃郁，佢本身都好滑，油香豐富，加上滑蛋，都係非常好味。
估唔到簡單一件吐司可以整到咁好味，價錢唔太貴，份量非常之足夠，值得推介。
深圳萬象天地 12/11/2023 10:30
成功抽到大眾點評免費試食二人餐。今日重臨萬象天地，一樓半戶外嘅平台就見到陶陶居。
咁早嚟到人流都已經唔少，好彩唔需要等位。興幸坐係一張靠邊卡位非常之闊落，見中間圓枱比較貼近較為迫。坐低先飲啖普洱茶，清香錯。
點評送既二人餐已經非常豐富，但係熱菜需要11點後才供應，只好先叫幾個點心填下肚。
黑魚子香菇燒賣 36元：燒賣啖啖肉，好實在，菇味香濃。
流沙奶黃豬豬包 29元：賣相非常可愛，新鮮熱辣，流沙奶黃爆曬出嚟，唔太甜，味道不錯。
回味荔灣艇仔粥 33元：餸都非常多，有魚肉、疑似鮑魚絲、豬皮等。粥底本身好綿好夠味。
陶陶居大蝦餃﹕係點心四大天王之一。蝦餃超級大粒，起碼比平時酒樓食大1.5倍，非常飽滿。餃皮都算薄，蝦非常之多而且爽口。
明爐香滑靚葡撻﹕新鮮熱辣，皮非常酥脆，蛋非常幼滑，入口即溶，不太甜。
紅燒乳鴿﹕外皮脆卜卜，內有肉汁，啖啖肉。
惹味秋葵煎牛肉粒﹕賣相一流，材料非常多，牛肉超級腍，蒜味十足，好香口。
啫啫生菜煲﹕連煲上菜相當澎湃，熱辣辣，有蝦乾帶點鹹鮮味。
乾粉牛河﹕非常大碟，賣相一流，入口有鑊氣，餸料牛肉都非常多。
食物水準十分高，新鮮熱辣味道好。服務亦一流，服務員非常多，自動自覺。其實點心價錢非常可觀，一籠燒賣都近40元，但係就免加一，價錢同香港比較差不多，但深圳食一定質素更佳。
